अब डेस्कटपबाट पनि टिकटक लाइभ गर्न सकिने
पुस १०, २०७८ २१:२८
काठमाडौं । यदि तपाईं टिकटकको सक्रिय प्रयोगकर्ता हुनुहुन्छ र टिकटकमा लाइभ बस्न मन पराउनुहुन्छ भने खुशीको खबर छ ।
टिकटकले कम्प्युटरबाट पनि लाइभ बस्न मिल्ने गरी नयाँ फिचरको परीक्षण गरिरहेको छ । कम्पनीले विण्डाेजमा सपोर्ट गर्ने एप ‘टिकटक लाइभ स्टुडियो’ को परीक्षण गरिरहेको जनाएको छ ।
एपको सहायतामा प्रयोगकर्ताले कम्प्युटरबाटै टिकटक अकाउन्टमार्फत लाइभ बस्न सक्नेछन् ।
मोबाइलमा जस्तै डेस्कटपबाट गरिने लाइभमा पनि प्रयोगकर्ताले गिफ्ट फिचर, कमेन्ट बक्स र कि–वर्ड फिल्टर आफ्नो इच्छाअनुसार अन वा अफ गर्न मिल्ने बताइएको छ ।
हाल सीमित प्रयोगकर्तामाझ यो फिचर परीक्षण भइरहेको र चाँडै नै सबै प्रयोगकर्ताको लागि उपलब्ध हुने टिकटकले जनाएको छ ।
पछिल्लो अध्यावधिक: असोज २, २०७९ २२:३२
