ट्रेन्डिङ:
क्यूआर कोडले कसरी गर्छ काम ? स्मार्टफोनले अब डीएसएलआर क्यामेरालाई विस्थापन गर्छ:  क्वालकम एप्पलले सुरुगर्यो सस्तो मोबाइलको परिक्षण उत्पादन ह्वावेमाथिको प्रतिबन्धको फाइदा उठाउँदै ओप्पो यी हुन् बालबालिकाका लागि उत्कृष्ट फोन नेपाल टेलिकमले ल्यायो दशैं अफर, अनलिमिटेड डेटादेखि रिचार्जमा बोनससम्म ट्वीटरको ब्लू टिक भेरिफिकेसन सुरु, यसरी दिनुहोस् आवेदन फेसबुकलाई तपाईंका अन्य गतिविधि ट्रयाक गर्न नदिन यसो गर्नुहोस स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी डिशहोम ‘डिलर दाइको डिस्काउण्ट योजना’मा दुई जनालाई १ लाख पुरस्कार
close

क्यूआर कोडले कसरी गर्छ काम ?

टेकपाना टेकपाना

भदौ २८, २०७९

क्यूआर कोडले कसरी गर्छ काम ?

काठमाडौं । यदि तपाईंले अनलाइन भुक्तानी गर्ने गर्नु भएको छ भने पक्कै पनि क्यूआर कोड देख्नु भएकै होला । अहिले त हरेक जसो पसलमा क्यूआर कोड राखेको देखिनु सामान्य भइसक्यो ।

यस्तो क्यूआर कोड अनौठो प्याटर्न जस्तो देखिन्छ । सानो चिया पसलदेखि ठूला डिपार्टमेन्टल स्टोरहरूमा अनलाइन पेमेन्टका लागि क्यूआर कोड प्रयोग हुन थालेको छ ।

स्मार्टफोन बोक्नुहुन्छ र मोबाइल बैंकिङ अथवा डिजिटल वालेट प्रयोग गर्नुहुन्छ भने पक्कै पनि तपाईंले यस्तो क्यूआर कोडमा स्क्यान गर्नु भएकै होला । तर के तपाईंलाई थाहा छ, वास्तवमा के हो त क्यूआर कोड ? अनि यसले कसरी काम गर्छ ?

वास्तवमा क्यूआरको अङ्ग्रेजी पूरा पुरा रुप क्विक रेस्पोन्स अर्थात तत्कालै प्रतिक्रिया जनाउने भन्ने हुन्छ । यस किसिमको कोड तुरुन्तै पढ्न सकिने गरी बनाइएको हुन्छ ।

कुनै विशेष किसिमको जानकारीलाई सांकेतिक शब्दमा परिवर्तन गर्नका लागि यसको उपयोग गर्ने गरिन्छ । क्यूआर कोड वास्तवमा बारकोडकै उन्नत स्तरको संस्करण हो । तर यसमा बारकोडको तुलनामा कयौँ धेरै सूचना राख्न सकिने क्षमता हुन्छ ।

बारकोडको तुलनामा यसले निकै विस्तारित किसिमले तथा तीव्र रुपमा काम गर्न सक्छ । क्यूआर कोड सन् १९९४ मा कार निर्माता कम्पनी टोयोटा ग्रुपका एक जापानी सहायक डेन्सो वेभले विकास गरेका हुन् ।

पहिलो पटक अटोमोबाइल, फर्मास्युटिकल र रिटेल इन्डस्ट्रिमा इन्भेन्टरीलाई ट्र्याक गर्नका लागि यसको प्रयोग गरिएको थियो । त्यतिखेर निकै धेरै कामका लागि यसको उपयोग गरिन्थ्यो । क्यूआर कोड उपयोग गरेर तपाईं पेजहरू शेयर गर्न पनि सक्नुहुन्छ ।

क्रोम ब्राउजरबाट कुनै वेब पेजलाई अरुसँग शेयर गर्नका लागि तपाईंले क्यूआर कोड बनाउन सक्नुहुन्छ । यसका लागि सबैभन्दा पहिला आफ्नो कम्प्युटरमा क्रोम ब्राउजर खोल्नुहोस् । त्यसपछि उक्त पेजमा जानुहोस्, जसलाई तपाईं शेयर गर्न चाहनुहुन्छ ।

त्यसपछि माथि एड्रेबारमा क्लिक गर्नुहोस् अनि दायाँतर्फ रहेको क्यूआर कोड आइकनमा क्लिक गर्नुहोस् । त्यसपछि तपाईंले क्यूआरकोडको लिङ्क कपी गर्न सक्नुहुन्छ । साथै कुनै अर्को डिभाइसको क्यामेराबाट स्क्यान गर्न अथवा वेब पेजको क्यूआर कोडलाई फोटोको रुपमा सेभ गर्न पनि सक्नुहुन्छ ।