पूर्व सञ्चारमन्त्री बास्कोटाको घरमा बम बिस्फोट
फागुन २८, २०७६ ९:२६
पूर्व सञ्चारमन्त्री गोकुलप्रसाद बास्कोटाको घरमा बम बिस्फोट भएको छ । बुधबार बिहान पौने आठ बजेको समयमा अज्ञात समूहले बास्कोटाको लोकन्थली स्थित घरमा प्रेसरकुकर बम बिस्फोट गराएको हो ।
तल्ला थप्ने क्रममा रहेको घरको पर्खाल भित्र बम राखिएको बताइएको छ । प्रहरीका अनुसार बिस्फोटबाट घरको पर्खाल भत्किएको छ भने छिमेकीका घरका सिसा फुटेका छन् र नजिकै रोकी राखिएको भ्यानमा समेत क्षति पुगेको छ ।
सेक्युरिटी प्रेस खरीदमा ७० करोड रुपैयाँ कमिसन बार्गेनिङ गर्दै गरेको अडियो बाहिरिएपछि तत्कालिन मन्त्री बाँस्कोटाले गत फागुन ८ गते पदबाट राजीनामा दिएका थिए ।
पछिल्लो अध्यावधिक: असोज २, २०७९ २२:३१
