फौजी गेम सार्वजनिक, प्ले स्टोरमा २४ घण्टामा १० लाख डाउनलोड
माघ १४, २०७७ १६:०
काठमाडौं । भारतमा केही महिनादेखि बहसको विषय बन्दै आइरहेको फौजी (फियरलेस एन्ड युनाइटेड गार्डस्) गेम औपचारिक रुपमा सार्वजनिक भएको छ ।
देशको गणतन्त्र दिवसको अवसरमा मंगलबार ल्याइएको यो गेमको पहिलो एडिसन गुगल प्ले स्टोरमा उपलब्ध छ । भारतीय समाचार माध्यमलेहरू पछिल्लाे २४ घण्टामा १० लाख प्रयोगकर्ताले यो एप डाउनलोड गरेकाे समाचार प्रकाशित गरेका छन् ।
गुगल प्ले स्टोरमा यो एपलाई धेरैले फाइभ स्टार रेटिङ समेत दिएका छन् । प्रतिक्रिया दिँदै प्रयोगकर्ताले गेममा थप ग्राफिक्स र गेमको प्रस्तुतिमा सुधार गर्न सुझाव दिएका छन् ।
फौजी गेमको यो पहिलो चरण भएकाले आगामी अपडेटमा धेरै सुधार र फिचर सहित एप उपलब्ध हुने गेम डेभलपर एनकोर प्रालिले जनाएको छ ।
यो एप हाल भारतका एन्ड्रोइड प्रयोगकर्ताका लागि उपलब्ध भएपनि आईओएस प्रयोगकर्ताका लागि कहिले आउँछ भन्नेमा केही स्पस्ट जानकारी आएको छैन ।
फाैजी गेम गाल्वान गाउँकाे पृष्ठभूमिमा आधारित छ । यसमा भारतीय र चिनियाँ सेनाहरू बीचको संघर्ष चल्छ । पब्जीकाे विकल्पका रूपमा हेरिए पनि याे गेम धेरै फरक छ । यसमा पब्जी मोबाइलको जस्तो ब्याटल रोयल गेम मोड छैन । गेमरले एकल रुपमा खेल खेल्नेछ ।
अर्कोतर्फ भारतमा पब्जी मोबाइल गेमले पुनरागमन गर्ने रिपोर्ट आइरहे पनि स्पस्ट स्रोत कतै फेला परिसकेको छैन ।
पछिल्लो अध्यावधिक: असोज २, २०७९ २२:३४
