आउँदो महिना सार्वजनिक हुँदै ह्वावे पी ५० सिरिज
फागुन ६, २०७७ १५:१
काठमाडौं । चिनियाँ ब्राण्ड ह्वावेले आउँदाे मार्च महिनाको अन्तिम साता पी ५० सिरिज सार्वजनिक गर्ने भएको छ । ट्वीटर लिकर @RODENT950 ले हालै ह्वावको पी ५० सिरिज अन्तर्गत ३ माेडल मार्च २६ देखि २८ बीचमा आउने खुलासा गरेका छन् ।
कम्पनीले पी ५०, पी ५० प्रो र पी ५० प्रो प्लस गरी ३ मोडल बजारमा ल्याउने छ । लिक भएकाे साे सूचना अनुसार यी फोनमा ह्वावे आफैले उत्पादन गरेको चिपसेट प्रयोग गरिएको छ ।
पी ५० मा किरिन ९००० ई प्रयोग गरिएको छ भने पी ५० प्रो र पी ५० प्रो प्लसमा फ्ल्यागशिप चिपसेट किरिन ९००० प्रयोग गरिएको छ ।
कम्पनीले हालै यी माेडलकाे प्राेटाेटाइप डिजाइन सकेकाे र केही दिनमै उत्पादन थाल्ने तयारी गरेकाे साे ट्वीटमा उल्लेख छ ।
साथै ह्वावेकाे याे अपकमिङ फ्ल्यागशिपमा नयाँ फिचरका रूपमा अल्ट्रा सेन्सिङ क्यामेरा सिस्टम, सुधारिएकाे डिस्प्ले र गेमिङ क्षमता रहेकाे बताइएकाे छ ।
सफ्टवेयरकाे कुरा गर्दा याे फाेनमा कम्पनीकाे आफ्नै ह्वावे माेबाइल सर्भिस (एचएमएस) छ । यसको अर्थ जीमेल, म्याप, प्ले स्टोर जस्ता गुगल सर्भिसहरु याे फाेनमा प्रयोग गर्न पाउनुहुने छैन ।
पछिल्लो अध्यावधिक: असोज २, २०७९ २२:३३
