एन्ड्रोइड एपबाट स्मार्टफोन प्रयोगकर्ताको बैंकिङ विवरण चोरी

फागुन २७, २०७७ ९:३६

काठमाडौं । स्मार्टफाेन प्रयोगकर्ताको डिभाइसमा एपमार्फत् बैंकिङ ट्राेजन भाइरस फैलाउँदै महत्वपूर्ण विवरण चाेरी भएकाे पाइएकाे छ । साइबर सुरक्षामा अनुसन्धान गर्ने कम्पनी चेक प्वाइन्ट रिसर्च (सीपीआर)ले आफ्नो ब्लगपोस्टमा ती एन्ड्रोइड एपमार्फत् प्रयाेगकर्ताकाे बैंकिङ विवरण चाेरी भएकाे उल्लेख गरेकाे छ ।

बैकिङ ट्राेजन राखेर एपमार्फत् खराब मनशायभएका व्यक्तिहरूले नयाँ डेभलपर अकाउन्ट बनाउने गरेका थिए । ती ड्रपरहरु (बैंकिङ ट्राेजन) लाई बाहिरबाट हेर्दा निर्दोष देखिने किसिमका सफ्टवेयर प्रोग्राममा लोड गरिएको पाइएको थियो ।

यी १० ड्रपरमा केक भीपीएन (Cake VPN), प्यासिफिक भीपीएन (Pacific VPN), बिटप्लेयर (BeatPlayer), क्यू रेकर्डर (QRecorder), बारकोड स्क्यानर म्याक्स (QR/Barcode Scanner MAX), ईभीपीएन (eVPN), म्युजिक प्लेयर (Music Player) लगायत छन् ।

ती यूटिलिटिज फङ्सनालिटी वैधानिक ओपन सोर्स एन्ड्रोइड एपबाट लिइएको हो । गुगलको स्ट्याण्डर्ड सेक्युरिटी प्रोटेक्सनको डिटेक्सनबाट बच्न ती एपहरुमा कमाण्ड एण्ड कन्ट्रोल सीटु कम्युनिकेसन प्लेटफर्मको रुपमा फायरबेसलाई प्रयोग गरिएकाे थियो भने पेलोड डाउनलोडका लागि गिटहबलाई दुरुपयोग गरिएको थियो ।

अनुसन्धानकर्ताहरुका अनुसार ड्रपरहरूकाे सीटू पूर्वाधारमा इनेबल र डिसेबल प्यारामिटरहरू छन्, जसबाट एपको मेलिसियस फङ्सनलाई सक्रिय गराउने कि नगराउने भन्ने कुरा डेभलपरहरुले निर्धारण गर्न सक्दथे ।

अनुसन्धानकर्ताहरुले पत्ता लगाएको सो नयाँ ड्रपरलाई मोनिटरी माल्वेयर शिपिङ गर्न डिजाइन गरिएको थियो ।

यसैबीच गुगलले केही दिनअघि प्ले स्टाेरबाट एकैपटक १६४ असुरक्षित एप हटाएकाे छ । कुल मिलाएर यी एप १० करोडभन्दा बढीले डाउनलोड गरिसकेका छन् ।

कपीक्याट्ज भनिने यस्ता एपले महत्वपूर्ण र चलेका एपहरुको नक्कली प्रति बनाएका हुन्छन् र प्रयोगकर्तालाई ट्र्याक गरेर अप्रत्याशित किसिमका विज्ञापनहरु देखाउने गर्दछन् ।

यस्ता एपहरु माल्वेरबाट प्रभावित भएका समेत हुनसक्छन् । त्यसो त यस्ता १६४ एपलाई गुगलले आफ्नो प्ले स्टोरबाट हटाइसकेको छ । तर पनि त्यसअघि नै तपाईंले डाउनलोड गर्नुभएको छ भने तपाईंले आफ्नो मोबाइलबाट डिलिट गर्नुपर्ने हुन्छ ।

यस्ता छन् गुगलले प्ले स्टोरबाट हटाएका ‘कपीक्याट्ज एप‘