काठमाडौं । चर्चित डिजिटल मार्केटप्लेस ईबेले आफनो प्लेटफर्ममा अश्लील सामग्रीमाथि प्रतिबन्ध लगाउने भएको छ । कम्पनीले आउँदाे जून १५ देखि एडल्ट भिडिओ गेमसहित अश्लील सामग्री बेचबिखन गर्न प्रतिबन्ध लगाउने भएको हो ।
कानूनअनुसार बिक्री वितरण गर्न मिल्ने सीमित वयस्क सामग्री मात्र याे प्लेटफर्ममा किनबेच गर्न पाइने ईबेले जनाएको छ ।
यसअन्तर्गत निश्चित शर्तमा कम्पनीले अप्रुभ गरेर मात्रै अन्य क्याटेगाेरीमा आर्ट, फोटोग्राफिक इमेज, सेक्स टोय लगायतका सामग्री बिक्रीका लागि राख्न सकिन्छ । नीति अनुसार यस्ता सामग्री चिनाउन प्रयाेग हुने फाेटाे वा डिस्प्लेमा याैन दर्शाउने अर्थ राख्न पाइने छैन ।