२० जीबी र्याम सहित ‘एक्सअन ३०’ ल्याउँदै जेडटीई
साउन २३, २०७८ १०:२
काठमाडौं । चिनियाँ ब्राण्ड जेडटीईले गत महिना नै २० जीबी र्याम भएको स्मार्टफोन ल्याउने तयारी गरेकाे छ । कम्पनीले अन्डर डिस्प्ले क्यामेरासहित ‘एक्सअन ०’ फाइभजी स्मार्टफाेन ल्याउन लागेकाे हाे ।
कम्पनीले आफ्नो ‘मेमोरी फ्युजन टेक्नोलोजी’ मार्फत् नयाँ स्मार्टफोनमा १२ जीबी र्यामलाई भर्चुअल रूपमा २० जीबीसम्म बुस्ट गर्न सक्ने सुविधा दिन लागेकाे हाे ।
त्यस्तै यो फोन विश्वकै पहिलो ४००पीपीआई अन्डर स्क्रिन क्यामेरा फोन हुनेछ, जसमा १२० हर्ज रिफ्रेस रेट प्रदान गरिनेछ ।
एसुस, लेनोभो लगायतका कम्पनीले हालै १८ जीबी र्याम भएको फोन बजारमा ल्याएका छन् । जेडटीईले २० जीबी र्यामसहित फोन ल्याएपछि बजारमा थप प्रतिस्पर्धा बढ्ने र अन्य ब्राण्डलाई चुनौती पुग्ने अनुमान गरिएको छ ।
साथै याे फाेनमा १ टीबी इन्टर्नल स्टाेरेज हुनेछ ।
एक्सअन ३० स्न्यापड्रागन ८७० चिसपेसटसहित आउनेछ । यसमा ५५ वाटको फास्ट चार्जिङ सपोर्टसहित ४२०० एमएएचको व्याट्री हुनेछ । त्यस्तै फोनमा ६४ मेगापिक्सेलको प्राइमेरी सेन्सरसहित क्वाड रियर क्यामेरा सेटअप हुने जनाइएको छ ।
सेप्टेम्बरमा सार्वजनिक हुने याे फाेनकाे मूल्य ३४० डलरदेखि सुरू हुने अनुमान छ ।
पछिल्लो अध्यावधिक: असोज २, २०७९ २२:३३
