काठमाडौं । खल्ती प्राइभेट लिमिटेडले महिला लघुवित्त वित्तीय संस्था लिमिटेडसँग आधिकारिक सहकार्य गरेको छ । अब महिला लघुवित्तका ग्राहकहरूले खल्ती वालेटबाट आफ्नो मासिक किस्ता (ईएमआई) तिर्न सक्ने छन् ।
खल्ती र महिला लघुवित्त वित्तीय संस्था दुवैले महिला सशक्तिकरण र डिजिटल वित्तीय साक्षरताका लागि सहकार्य पनि बताइएको छ ।
यो साझेदारीसँगै अब ग्राहकले शाखा कार्यालयमा नगइ ऋण तिर्नसक्ने र खल्तीका अन्य डिजिटल सेवाहरू पनि प्राप्त गर्न सक्ने बक्पनीले जनाएको छ ।
यस सहकार्यमा बोल्दै खल्तीका प्रमुख कार्यकारी अधिकृत विनय खड्काले बताए, "प्रविधि र विकासको परिवर्तनसँगै, डिजिटाइजेसनको आवश्यकता द्रुत रूपमा बढिरहेको छ । ग्राहकहरूलाई डिजिटल
प्लेटफर्म मार्फत आफ्नो ईएमआई तिर्न सहज हुने भएकाले डिजिटल कारोबारलाई तिब्र गतिमा प्रभावकारी बनाउँदै यो सुविधा उपलब्ध गराईएको हो ।”