इटहरी उपमहानगरपालिकामा अब अनलाइनबाटै घरको नक्सा पास गरिने
बैशाख १५, २०८० ८:४१
काठमाडौं । सुनसरीको इटहरी उपमहानगरपालिकाले अनलाइनबाटै घरको नक्सा पास सेवा सञ्चालनमा ल्याएको छ । उपमहानगरले बिहीबार एक कार्यक्रम गर्दै औपचारिक रूपमा यो सेवा सञ्चालनमा ल्याएको जनाएको छ ।
अब सेवाग्राहीले घर-नक्सा पासको काम विद्युतीय भवन अनुमति प्रणालीमार्फत गर्न सक्नेछन् ।
छिटो–छरितो सेवा प्रवाहको साथै नगरवासीको सहजता र भवन निर्माण मापदण्डलाई थप प्रभावकारी बनाउन नक्सा पासलाई अनलाइन प्रणालीमा लगिएको नगर प्रमुख हेमकर्ण पौडेलले बताए ।
विद्युतीय प्रणालीबाट नक्सा पास गराउँदा कागजपत्रहरु सुरक्षित रहने तथा नगरलाई पनि तथ्यांक राख्न र जुनसुकै बेला खोज्न पनि सहज हुने उनले बताए ।
पछिल्लो अध्यावधिक: बैशाख १५, २०८० ८:४१
