ह्वाट्सएपमा आउने फोटो र भिडिओ आफैं डाउनलोड हुन्छ ? यसरी गर्नुहोस् बन्द
बैशाख ३०, २०८० ६:२३
काठमाडौं । ह्वाट्सएपमा कसैले पठाएको फोटो या भिडिओ फाेनकाे ग्यालरीमा स्वत: डाउनलोड हुन्छ । यो ह्वाट्सएपको डिफल्ट सेटिङ हो ।
फोनमा कम स्टोरेज छ भने यस फिचरले तपाईंलाई दिक्क बनाउन सक्छ । तर यसलाई बन्द गर्न सकिन्छ । आज हामी तपाईंलाई यही कुरा जानकारी दिन जाँदै छौं:
एन्ड्रोइडमा यसरी गर्नुहोस् बन्द
-ह्वाटस्एपमा लगइन गर्नुहोस् ।
-माथि दायाँ भागमा रहेको तीन ओटा डट आइकनमा ट्याप गर्नुहोस् ।
-‘सेटिङ’ मा गएर ‘स्टोरेज एन्ड डेटा’ मा जानुहोस् ।
- अब ‘मिडिया अटो-डाउनलोड’ सेक्सन देखिन्छ । यसभित्र ‘ह्वेन युजिङ मोबाइल डेटा’, ‘ह्वेन कनेक्टेड टू वाई-फाई’ र ‘ह्वेन रोमिङ’ भन्ने विकल्प देखिन्छ ।
-अब ‘ह्वेन युजिङ मोबाइल डेटा’ छान्नुहोस् । त्यहाँ फोटोज, अडियो, भिडिओ र डकुमेन्ट्स रहेको चेक मार्क देखिन्छ । ती सबैलाई डिसेलेक्ट गर्नुहोस् । त्यसपछि ‘ओके’ प्रेस गर्नुहोस् ।
-त्यसपछि ‘ह्वेन कनेक्टेड टू वाई-फाई’ र ‘ह्वेन रोमिङ’मा गएर पनि उही प्रक्रिया दोहोर्याउनुहोस् ।
अब ह्वाट्सएप चलाउँदा मिडिया स्वत: डाउनलोड हुन बन्द हुन्छ ।
आईओएसमा यसरी गर्नुहोस् बन्द
-ह्वाटस्एपमा लगइन गर्नुहोस् ।
-माथिदायाँ भागमा रहेको तीन ओटा डट आइकनमा ट्याप गर्नुहोस् ।
-‘सेटिङ’ मा जानुहोस् ।
- ‘स्टोरेज एन्ड डेटा’ मा जानुहोस् । त्यसभित्र ‘मिडिया अटो डाउनलोड’ सेक्सन देखिन्छ । त्यहाँ ‘अटो डाउनलोड’ सेटिङमा गएर ‘फोटो’ सेलेक्ट गर्नुहोस् ।
-त्यसपछि ‘नेभर’, ‘वाई-फाई’ र ‘वाई-फाई एन्ड सेलुलर’ भन्ने विकल्प देखिन्छ । त्यहाँ ‘नेभर’ चयन गर्नुहोस् ।
-यसरी नै अडियो, भिडिओ र डकुमेन्टसमा पनि गएर ‘नेभर’ क्लिक गर्नुहोस् । अब आईओएसमा पनि ह्वाट्सएप चलाउँदा मिडिया स्वत: डाउनलोड हुन बन्द हुन्छ ।
पछिल्लो अध्यावधिक: बैशाख ३०, २०८० ६:२३
