नेपाली नर्सलाई बेलायतमा रोजगारीको अवसर, यसरी दिनुहोस् अनलाइन आवेदन
साउन ५, २०८० १५:३७
काठमाडौं । वैदेशिक रोजगार विभागले बेलायतमा काम गर्न इच्छुक नर्सका लागि आवेदन खुलाएकाे छ । एक सूचना जारी गर्दै विभागले १०० जना नर्सका लागि आवेदन खुलाएको हो ।
नेपाल सरकार र बेलायत सरकारको सहकार्यमा विभागले सरकारी तहबाट नर्सलाई काम गर्न बेलायत पठाउन लागेको हो ।
अनलाइनमार्फत कसरी दिने आवेदन ?
- सबैभन्दा पहिले यो लिंकमा क्लिक गर्नुहोस् ।
- स्क्रिनको दायाँतिर रहेको 'रजिष्टर' अप्सनमा क्लिक गर्नुहोस् ।
- त्यहाँ आफ्नो पासपोर्ट नम्बर, जन्ममिति, नाम, ईमेल, मोबाइल नम्बर र आफ्नो अकाउन्टको लागि आवश्यक पासवर्ड राखेर रजिष्टरमा क्लिक गर्नुहोस् ।
- आफ्नो अकाउन्ट बनिसकेपछि तपाईँले पछि आफ्नो पासपोर्ट नम्बर र पासवर्ड राखेर आफ्नो लगइन गरी आफ्नो आवेदन फारम भर्न सक्नुहुन्छ ।
आवेदन भेरिफाई भइसकेपछि तपाईँ छनोट भएको वा नभएको ईमेल वा एसएमएस मार्फत जानकारी गराइनेछ ।
पछिल्लो अध्यावधिक: साउन ५, २०८० १५:५९
