‘अनर एक्स नाइन ए’ स्मार्टफोनमा ६ हजार छुट घोषणा
मंसिर १०, २०८० १२:५३
काठमाडौं । स्मार्टफोन ब्रान्ड अनरले नेपाली उपभोक्ताका लागि विन्टर अफर ल्याएको छ । यसअन्तर्गत 'अनर एक्स नाइन ए' मा ६ हजारसम्म छुट घोषणा गरिएको छ ।
शनिबारदेखि सुरु भएको यो अफर सीमित समयको लागि मात्र मान्य हुने अनरका लागि नेपालको आधिकारिक बिक्रेता सेल्ट्राेन नेपाल प्रालिले जनाएकाे छ । रु. ४५ हजार ९९० मूल्य रहेको यो फोन विन्टर अफरमा रु. ३९ हजार ९९० मा खरिद गर्न सकिनेछ ।
अनरको यो अफर अनलाइन र अफलाइन दुवै प्लेटफर्ममा उपलब्ध हुनेछ । ग्राहकहरूले अनलाइन प्लेटफर्म दराज र हुकुटमा तथा अफलाइन आधिकारिक अनर रिटेल स्टोरहरूमार्फत यो छुट सुविधा लिन सक्नेछन् ।
पछिल्लो अध्यावधिक: मंसिर १०, २०८० १२:५३
