गुगल मेसेजमा अब च्याट बबलको रङ आफैंले छान्न सकिने
मंसिर १६, २०८० १४:५५
काठमाडौं । गुगलले आफ्नो मेसेज एपमा ब्याकग्राउन्ड र टेक्स्ट बबलको रङ परिवर्तन गर्न मिल्ने फिचर ल्याएको छ । गुगलले एपमा एक अपडेट गर्दै नयाँ फिचर थपेको हो ।
यससँगै च्याट गरिने व्यक्ति अनुसार तपाईंले टेक्स्ट बबलको रङ फरक-फरक राख्न सक्नुहुने छ । यससँगै यदि तपाईंसँग पिक्सेलको पछिल्लो मोडेलका फोन भए गुगल मेसेजमा फोटोलाई फोटोमोजी (फोटोका आधारमा इमोजी) बनाउन सक्नुहुन्छ ।
गुगलको एआई मार्फत तयार हुने त्यस्ता फोटोमोजीलाई भविष्यमा पुन: प्रयोग गर्न स्वत: सेभ हुने बताइएको छ ।
त्यस्तै मेसेज एपमा गुगलले भोइस मोड समेत थपेको छ । यसबाट भोइस मेसेजमा भएको आवाजका आधारमा भिजुअल इफेक्ट देखापर्ने बताइएको छ । यसका साथै केही शब्द लेखेको भरमा १५ ओटा स्क्रिन इफेक्ट हुने फिचर पनि गुगलले आफ्नो एपमा थपेको छ ।
योसँगै केही इमोजी अथवा रिक्यासन प्रयोग गर्दा डिस्प्लेमा एनिमेसन हुने गुगलले जनाएको छ ।
पछिल्लो अध्यावधिक: मंसिर १६, २०८० १४:५५
