काठमाडौं । २५ वर्षको अवधिमा गुगलमा सबैभन्दा बढी खोजिने खेलाडीमा पोर्चुगलका स्टार फुटबलर क्रिस्टियानो रोनाल्डो परेका छन् । गुगलले हालै सार्वजनिक गरेको '20 Years in Search' शीर्षकको भिडिओमा यस्तो तथ्याङ्क देखिएको हो ।
गुगलका अनुसार २५ वर्षको अवधिमा गुगल सर्चमा सबैभन्दा बढी सर्च गरिएको दशक १९८० हो । त्यस्तै खेलमा फुटबल, सर्वाधिक मूल्यवान खेलाडीमा (एमभीपी) लेब्रन जेम्स, क्रिकेटरमा विराट कोहली सबैभन्दा बढी खोजिनेमा परेका छन् ।
त्यसैगरी चलचित्रमा ह्यारी पोटरको 'आई जस्ट लाइक टु से, थाङ्क्स' संवाद बाेलेकाे अभिनय सबैभन्दा बढी खोजियो। चलचित्रकाे विधामा राेमान्टिक, पुरुष म्युजिक ब्यान्डमा बीटीएस, महिला म्युजिक ब्यान्डमा ब्ल्याक पिङ्क सबैभन्दा बढी सर्च गरिए ।
त्यसैगरी २५ वर्षको अवधिमा बढीभन्दा बढी सर्च गरिने रक ब्यान्ड बिटल्स रहेको छ भने सबैभन्दा बढी खोजिएको काल्पनिक राजकुमारी (फिक्सनल प्रिन्सेस) एरियल रहेको छ ।
सबैभन्दा बढी सर्च गरिएको ठाउँमा आईफिल टावर रहेको छ भने सहरमा न्यूयोर्क रहेको छ ।
गुडियामा बार्बी, ईमोजीमा हार्ट ईमोजी, हेयरकटमा बब हेयरकट, भिडिओ गेममा माइनक्राफ्ट र गीतकारमा टेलर शिफ्ट सर्वाधिक खोजिए ।
गुगलका अनुसार सबैभन्दा बढी सर्च गरिएको सफल क्षण 'न्युक्लियर फ्युजन प्रयोग गर्ने मानिसको प्रयास' हो । सुपर हिरोमा स्पाइडरम्यान, वैज्ञानिकमा अल्बर्ट आइन्स्टाइन तथा च्यालेन्समा बकेट च्यालेन्ज पनि २५ वर्षमा सर्वाधिक सर्च गरिएका वस्तुको सूचीमा परेका छन् ।
गुगलका अनुसार २५ वर्षमा सबैभन्दा बढी सर्च गरिएको आन्दोलन 'ब्ल्याक लाइभ्स म्याटर (Black Lives Matter) हो ।