१५० किलोमिटर रेञ्ज दिने विद्युतीय स्कुटर नेपाली बजारमा, मूल्य २ लाख ६० हजार
चैत १५, २०८० १३:१५
काठमाडौं । याडिया ब्रान्डको विद्युतीय स्कुटर सार्वजनिक भएको छ । बिहीबार राजधानीमा आयोजित एक समारोहमा याडियाका लागि नेपालको आधिकारिक वितरक कुजु नेपाल प्रालिले याडिया जीसिक्स (Yadea G6) स्कुटर सार्वजनिक गरेको हो ।
प्रतिघण्टा ६० किलोमिटर टप स्पिड भएको यस स्कुटरमा टीटीएफएआर मोटर समावेश छ । यसको उच्चतम पावर तीन हजार वाट रहेको छ । यसले एक पटकको फुल चार्जमा १५० किलोमिटरसम्म रेञ्ज दिने कम्पनीको दाबी छ ।
ब्याट्रीको सन्दर्भमा यसमा ग्रेफिन ब्याट्री टीटीएफएआर थर्ड जेनेरेसन राखिएको छ । ७२ भोल्ट भोल्टेज रहेको यस ब्याट्रीको क्षमता ३८ एम्पिएर आवर रहेको छ ।
याडिया जीसिक्सको अगाडि र पछाडि दुवै पाङ्ग्रामा डिस्क ब्रेक दिइएको छ । यसमा १७० एमएम ग्राउन्ड क्लियरेन्स रहेको छ ।
कम्पनीका अनुसार यसालाई फुल चार्ज गर्न छ देखि सात घण्टा लाग्छ । १४९ न्युटन मिटर टप स्पिड टर्क रहेको यस स्कुटरको ब्याट्री लाइफ साइकल ८०० साइकल रहेको छ ।
यसमा १२ इन्चको आल्मुनियम ह्विल रहेको छ । जसको बेस १२७० एमएम छ । यसमा १७९० एमएम लम्बाइ, ७३५ एमएम चौडाइ र १२२० एमएम उचाइ रहेको छ ।
कम्पनीका अनुसार यसमा ३० लिटरको बुटस्पेस रहेको छ । यसको ब्याट्री र मोटरमा कम्पनीले दुई वर्ष वा २० हजार किलोमिटर वारेन्टी दिने जनाएको छ । यसको मूल्य दुई लाख ६० हजार रुपैयाँ राखिएको छ ।
पछिल्लो अध्यावधिक: चैत १५, २०८० १३:१५
