स्ट्यान्डर्ड चार्टर्ड बैंकका ग्राहकले अब खल्ती वालेटमा रकम लोड गर्न सक्ने

 

 

काठमाडौं । डिजिटल वालेट खल्ती र स्ट्यान्डर्ड चार्टर्ड बैंक नेपाल लिमिटेडबीच डिजिटल भुक्तानीका लागि साझेदारी भएको छ । यस साझेदारीसँगै अब स्ट्यान्डर्ड चार्टर्ड बैंकका ग्राहकले खल्ती वालेटमा सहजै पैसा लोड गरी विभिन्न सेवाहरू उपभोग गर्न सक्ने भएका छन् ।

​ग्राहकले स्ट्यान्डर्ड चार्टर्ड बैंकको एप ‘एससी मोबाइल नेपाल’ प्रयोग गरी खल्ती वालेटमा पैसा लोड गर्न सक्नेछन् । यसपछि आफूलाई आवश्यक पर्ने सेवा खल्ती मार्फत सजिलै लिन सकिने जनाइएको छ ।

ग्राहकहरूले खल्ती प्रयोग गरी सहजै मुभी , इभेन्ट लगायतका टिकट खरिद, बिल भुक्तानी, प्लेसेस र अरू थुप्रै सेवा सुविधाहरूको लाभ लिन सक्नेछन् । स्ट्यान्डर्ड चार्टर्ड बैंकको एप प्रयोग गरी निम्न तरिकाले खल्ती लोड गर्न सकिन्छ :

१) बैंकिङ एपभित्र जानुहोस्

२) माथिल्लो भागको बायाँ कुनामा रहेको तीन धर्कामा ट्याप गर्नुहोस्

३) ‘बिल पेमेन्ट’ मा छनोट गर्नुहोस्

४) ‘लोड वालेट’ भित्र ‘लोड खल्ती’ छनोट गर्नुहोस्

५) विवरण भर्नुहोस्

६) बैंकको साइन इन गर्नुहोस्

७) प्राप्त भएको OTP/eTAC राख्नुहोस्

८) लोड पूरा गर्नुहोस् 

पछिल्लो अध्यावधिक: जेठ २७, २०८१ १२:३०

टिप्पणीहरू