आईओई प्रवेश परीक्षाको नतिजा सार्वजनिक, कास्कीका कृतिन लामिछाने टपर
भदौ २३, २०८१ १२:७
काठमाडौं । त्रिभुवन विश्वविद्यालयको इन्जिनियरिङ अध्ययन संस्थान (आईओई) ले शैक्षिक वर्ष २०८१/०८२ को लागि लिएको प्रवेश परीक्षाको नतिजा प्रकाशित भएको छ । शनिवार एक सूचना जारी गर्दै आईओईले स्नातक (बीई/बीआर्क) तहको प्रवेश परीक्षाको नजिता प्रकाशित गरेको हो ।
उक्त प्रवेश परीक्षा गत १६ देखि २२ भदौसम्म कम्प्युटर विधि मार्फत लिइएको थियो । यसपटक कुल ९ हजार ३६० परीक्षार्थी सहभागी भएकोमा कास्कीका कृतिन लामिछाने प्रथम भएको प्रवेश परीक्षा बोर्डका अध्यक्ष डा. सुरज लामिछानेले जानकारी दिए ।
यससँगै अब आईओई अन्तर्गतका आङ्गिक तथा सम्बन्धन प्राप्त कलेजहरूमा भर्ना सुरु हुनेछ । आईओई प्रवेश परीक्षाको नतिजा हेर्न यहाँ क्लिक गर्नुहोस् ।
पछिल्लो अध्यावधिक: भदौ २३, २०८१ १२:७
