तिहारलाई लक्षित गर्दै एनसेलले ल्यायो अनलिमिटेड अफर
कात्तिक १६, २०८१ १४:७
काठमाडौं । मोबाइल सेवाप्रदायक एनसेलले तिहार पर्वलाई लक्षित गर्दै विभिन्न अफर ल्याएको छ । कम्पनीले भ्वाइस र डेटामा विभिन्न अनलिमिटेड अफर ल्याएको हो ।
यस अन्तर्गत एनसेलको नेटवर्कभित्र सात दिनसम्म अनलिमिटेड कुरा गर्न सकिन्छ, जसका लागि १४९ रुपैयाँ तिर्नुपर्ने हुन्छ । त्यसैगरी २८ दिनका लागि ४४९ रुपैयाँ तिरेर अर्को अनलिमिटेड भ्वाइस अफर लिन सकिन्छ ।
त्यसैगरी डेटाका लागि १२५ रुपैयाँमा तीन दिन अनलिमिटेड नेट चलाउन सकिने कम्पनीले जनाएको छ । २८ दिनका लागि अनलिमिटेड डेटा लिन ९९९ रुपैयाँ तिर्नुपर्ने हुन्छ ।
यस अफर अन्तर्गतका प्याकेज मोबाइलमा *१२३# डायल गरी नौ नम्बर छानेर आफूलाई चाहिने प्याकेज लिन सकिन्छ । साथै एनसेल एपबाट लिन यो सुविधा लिन सकिन्छ ।
पछिल्लो अध्यावधिक: कात्तिक १६, २०८१ १४:७
