रवि लामिछानेको हिरासतको फोटो सार्वजनिक गरेको आरोपमा निकोलस भुसाल पक्राउ

काठमाडौं । राष्ट्रिय स्वतन्त्र पार्टीका सभापति रवि लामिछाने सुतिरहेको अवस्थाको हिरासतको फोटो सार्वजनिक गरेको आरोपमा डाक्टर निकुलस भुसाल पक्राउ परेका छन् । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले आइतबार बेलुका भुसाललाई काठमाडौँ थापाथलीबाट नियन्त्रणमा लिएको हो । 

प्रहरीले भुसाल बुटवलबाट काठमाडौँ आउँदै गरेको सूचना पाएपछि आइतबार बेलुका नियन्त्रणमा लिएको छ । 

पूर्व गृहमन्त्री समेत रहेका रवि लामिछानेको हिरासतको फोटो सार्वजनिक गरेको जिम्मा कही दिन अघि मात्र डाक्टर भुसालले लिएका थिए । उनले फेसबुकमार्फत आफूले अन्जानमा रवि लामिछानेको फोटो सार्वजनिक गरेको भन्दै माफी समेत मागेका थिए। यता रास्वपा समर्थकले भने प्रहरी प्रशासनको कमजोरी भन्दै फोटो सार्वजनिक गर्नेलाई कारबाही गर्नुपर्ने माग राखेका थिए ।

पछिल्लो अध्यावधिक: पुस ७, २०८१ २३:१४

टिप्पणीहरू