रिमोटको साटो हातको इशाराले चल्ने सामसङका नयाँ टिभी नेपाली बजारमा, जान्नुहोस् मूल्य र सुविधा

काठमाडौँ । इलेक्ट्रोनिक्स ब्रान्ड सामसङले आफ्नो २०२५ संस्करणको क्यूएलईडी टिभीका नयाँ मोडेलहरू नेपाली बजारमा सार्वजनिक गरेको छ । ‘सामसङ भिजन एआई’ नामक एआई प्रविधियुक्त यी टेलिभिजनले घरमै बसेर मनोरञ्जन लिने अनुभवलाई नयाँ उचाइमा पुर्‍याउने कम्पनीले दाबी गरेको छ ।

यो प्रविधिले टेलिभिजनको तस्बिर र आवाजको गुणस्तरलाई स्वचालित रूपमा उत्कृष्ट बनाउनुका साथै प्रयोगकर्ताको रुचिअनुसारको अनुभव प्रदान गर्ने बताइएको छ । कम्पनीका अनुसार, सामसङ भिजन एआई प्रविधिले टेलिभिजनलाई प्रयोगकर्ताको वातावरण र रुचि बुझ्ने स्मार्ट डिभाइसमा परिणत गरी सोही अनुकूल आवाजलाई समायोजन गर्छ ।

यसमा रहेको ‘एआई एक्स्पिरिएन्स’ फिचरले समयसँगै प्रयोगकर्ताको रुचि बुझेर सोहीअनुसारका सामग्री र सेटिङहरू रेकमेन्ड (सिफारिस) गर्छ । यसका साथै, मल्टी-डिभाइस कनेक्टिभिटी सुविधाले टिभीलाई टिभीलाई स्मार्टफोन, ट्याब्लेट वा अन्य सामसङ डिभाइससँग सहजै जोड्न तथा एक डिभाइसबाट अर्कोमा फाइल शेयर गर्न सजिलो हुने कम्पनीले जनाएको छ ।

नयाँ टिभी लाइनअपमा प्रयोगकर्ताको अनुभवलाई रोमाञ्चक बनाउन अन्य फिचर पनि दिइएको छ । ‘युनिभर्सल जेस्चर कन्ट्रोल’ मार्फत अब रिमोट बिना नै हातको इशाराले टिभीका विभिन्न काम कन्ट्रोल गर्न सकिन्छ । यसका लागि एआई प्रविधि र ग्यालेक्सी वाचको सहायताले हातका चालहरू पहिचान गरिन्छ । ‘एआई अपस्केलिङ’ सुविधाले कम रेजोलुसन भएको भिडिओलाई समेत फोरके क्वालिटीमा रूपान्तरण गर्न सकिने बताइएको छ ।

त्यस्तै, ‘जेनेरेटिभ वालपेपर’ फिचरले प्रयोगमा नभएको बेला टिभीको स्क्रिनलाई प्रयोगकर्ताको मुड वा परिस्थितिअनुसार फोरके गुणस्तरको कला-क्यानभासमा बदल्न सक्छ । स्मार्टथिंग्स एपमार्फत घरको अवस्था र बिजुली खपतको निगरानी गर्न सकिनेछ भने ‘पेट एन्ड फेमिली केयर’ मोडले घरपालुवा जनावर भुक्दा वा बच्चा रुँदा जस्ता असामान्य गतिविधि पत्ता लगाएर प्रयोगकर्तालाई सचेत गराउने कम्पनीको विज्ञप्तिमा उल्लेख छ ।

सामसङको नयाँ क्यूएलईडी फोरके लाइनअपमा QA85Q7F (८५ इन्च), QA75Q7F (७५ इन्च), QA65Q8F (६५ इन्च), र QA55Q8F (५५ इन्च) मोडेलहरू छन् । यी टिभीहरूमा क्वान्टम डट टेक्नोलोजी, २० वाटको शक्तिशाली स्पिकर र डल्बी एटमस जस्ता प्रविधिहरू छन् । प्रयोगकर्ताको डेटा र गोपनीयताको सुरक्षाका लागि यी टिभीमा सामसङकै नक्स् (Knox) प्रणाली प्रयोग गरिएको छ । कम्पनीले यी टिभीहरूमा सात वर्षसम्म निःशुल्क अपरेटिङ सिस्टम अपग्रेडको सुविधा दिएको छ ।

मूल्य, अफर र उपलब्धता

सामसङका २०२५ क्यूएलईडी टिभीका साथै नयाँ क्रिस्टल यूएचडी, एफएचडी र एचडी टिभीहरू अब नेपालभरका सबै आधिकारिक सामसङ रिटेल स्टोरहरूमा उपलब्ध छन् । कम्पनीले विभिन्न मोडेलका मूल्यहरू निम्नानुसार तोकेको छ: ​

Segment	Inch	Model Code	Price
QLED	85"	QA85Q7FAARSHE	रु ३९९,९९०
	75"	QA75Q7FAARSHE	रु २८९,९९०
	65"	QA65Q8FAARSHE	रु २५५,९९०
	55"	QA55Q8FAARSHE	रु १८२,९९०
UHD	65"	UA65U8500FRSHE	रु १४५,९९०
	55"	UA55U8500FRSHE	रु ९९,९९०
	43"	UA43U8500FRSHE	रु ७४,९९०
FHD	43"	UA43F5550FUXXL	रु ५४,९९०
HD	32"	UA32H4570FUXXL	रु ३८,९९०

ग्राहकको सुविधाका लागि सामसङ इन्स्टा फाइनान्स सेवामार्फत शून्य प्रतिशत ब्याजदरमा मासिक ९,९२७ रुपैयाँको किस्ताबाट सुरु हुने गरी नयाँ क्यूएलईडी टिभी खरिद गर्न सकिनेछ । यसका लागि नागरिकताको प्रमाणपत्र मात्र आवश्यक पर्नेछ । साथै, ग्राहकले आफ्ना पुराना टिभीहरू अर्कोस्टोर वा नजिकैको सामसङ रिटेल स्टोरमार्फत साटेर नयाँ टिभी खरिद गर्न सक्ने सुविधा पनि उपलब्ध गराइएको छ ।

पछिल्लो अध्यावधिक: भदौ २, २०८२ १७:२१

टिप्पणीहरू