नेपाली बजारमा सामसङ ग्यालेक्सी ए५७ र ए३७ फाइभजी सार्वजनिक, २४ महिनासम्मको ईएमआई सुविधा

काठमाडौँ । सामसङले ‘ए’ सिरिज अन्तर्गतका दुई नयाँ स्मार्टफोन ‘ग्यालेक्सी ए५७ फाइभजी’ र ‘ग्यालेक्सी ए३७ फाइभजी’ नेपाली बजारमा सार्वजनिक गरेको छ । उन्नत क्यामेरा प्रविधि, आर्टिफिसियल इन्टेलिजेन्स फिचर र आकर्षक डिजाइनसहित यी फोन ल्याएको कम्पनीले जनाएको छ ।

उपभोक्ताको क्रयशक्तिलाई ध्यानमा राख्दै सामसङले यसपटक २४ महिनासम्मको किस्ताबन्दी सुविधा उपलब्ध गराएको छ । पहिलेको १२ महिने योजनालाई स्तरवृद्धि गर्दै कम्पनीले सामसङ इन्स्टा फाइनान्स सेवा अन्तर्गत हुलास फिन सर्भ हायर पर्चेज लिमिटेडमार्फत यो सुविधा ल्याएको हो । नागरिकता मात्र भए पुग्ने यो प्रक्रिया झन्झटरहित रहेको कम्पनीले जनाएको छ ।

नयाँ ग्यालेक्सी ए सिरिजमा ‘इनहान्स्ड असम इन्टेलिजेन्स’ समावेश गरिएको छ । यस अन्तर्गत रहेको भ्वाइस ट्रान्सक्रिप्सन फिचरले रेकर्डिङ, कल र भ्वाइस मेललाई टेक्स्टमा रूपान्तरण गर्छ । त्यस्तै, ‘एआई सेलेक्ट’ ले स्क्रिनमा रहेका सामग्री छिटो चयन गरी एपहरूबिच सार्ने सुविधा दिन्छ । फोटो एडिटिङका लागि ‘अब्जेक्ट इरेजर’, ‘फिल्टर्स’ र ‘एडिट सजेसन्स’ जस्ता स्मार्ट टुल यसमा उपलब्ध छन् ।

दुवै स्मार्टफोनमा ५० मेगापिक्सेलको मुख्य क्यामेरासहित ट्रिपल क्यामेरा सेटअप रहेको छ । नाइटोग्राफी प्रविधिका कारण कम प्रकाशमा पनि स्पष्ट र प्राकृतिक फोटो खिच्न सकिने कम्पनीको दाबी छ । पर्फमेन्सका लागि यसमा अपग्रेड गरिएको सीपीयू र जीपीयू राखिएको छ । ५,००० एमएएच क्षमताको ब्याट्री रहेको यी फोनलाई एक पटकको फुल चार्जमा दुई दिनसम्म प्रयोग गर्न सकिने बताइएको छ । ग्यालेक्सी ए५७ मा सुपर फास्ट चार्जिङ २.० को सुविधासमेत छ ।

धुलो र पानी प्रतिरोधी बनाउन यी डिभाइसलाई आईपी ६८ रेटिङ दिइएको छ । सामसङले ग्राहकलाई दीर्घकालीन भरोसा प्रदान गर्न यी फोनमा ६ पुस्तासम्म ओएस अपडेट र ६ वर्षसम्म नै सुरक्षा अपडेट उपलब्ध गराउने प्रतिबद्धता जनाएको छ ।

सामसङले यी फोनलाई विभिन्न र्‍याम र स्टोरेज भेरियन्टमा बजारमा ल्याएको छ। ग्यालेक्सी ए५७ फाइभजी (१२/२५६ जीबी) को मूल्य ८९ हजार ९९९ रुपैयाँ र ८/२५६ जीबी भेरियन्टको मूल्य ८४ हजार ९९९ रुपैयाँ तोकिएको छ ।

त्यसैगरी, ग्यालेक्सी ए३७ फाइभजी तीनवटा भेरियन्टमा उपलब्ध छ । यसको १२/२५६ जीबीको मूल्य ७९ हजार ९९९, ८/२५६ जीबीको ७२ हजार ९९९ र ८/१२८ जीबी भेरियन्टको ६४ हजार ९९९ रुपैयाँ कायम गरिएको छ । यी डिभाइसहरू देशभरका सामसङका आधिकारिक रिटेल स्टोर तथा अधिकृत साझेदारहरूमार्फत खरिद गर्न सकिने कम्पनीको विज्ञप्तिमा उल्लेख छ ।​

उपलब्ध भेरियन्ट र मूल्य सूची:

मोडल	र्‍याम/स्टोरेज	मूल्य	मासिक किस्ता (EMI)
Galaxy A57 5G	12GB/256GB	रु. ८९,९९९	रु. २,४४२ बाट सुरु
Galaxy A57 5G	8GB/256GB	रु. ८४,९९९	रु. २,३०६ बाट सुरु
Galaxy A37 5G	12GB/256GB	रु. ७९,९९९	रु. २,१७१ बाट सुरु
Galaxy A37 5G	8GB/256GB	रु. ७२,९९९	रु. १,९८१ बाट सुरु
Galaxy A37 5G	8GB/128GB	रु. ६४,९९९	रु. १,७६४ बाट सुरु

पछिल्लो अध्यावधिक: बैशाख ३, २०८३ २३:४५

टिप्पणीहरू