१२० हर्ज डिस्प्ले भएको रियलमीको पहिलो स्मार्टफोन नेपाली बजारमा
असोज २२, २०७८ १२:३७
काठमाडौं । रियलमीले नेपाली बजारमा रियलमी ८ सिरिज अन्तर्गत नयाँ स्मार्टफोन ८आई सार्वजनिक गरेको छ । सस्तो मूल्यमा स्मार्टफोन उपलब्ध गराउँदै आएको कम्पनीले नेपाली प्रयोगकर्तामाझ १२० हर्जयुक्त कम्पनीको पहिलो स्मार्टफोन उपलब्ध गराएको हो ।
९०.८ प्रतिशत स्क्रिन–टु–बडी रेसियोयुक्त फोनमा ६.६ इन्चको फुल स्क्रिन छ ।
जी९६ प्रोसेसर रहेकाे फाेनमा ७ जीबीसम्म भर्चुअल र्याम बढाउन सकिने सुविधा दिइएकाे छ । त्यस्तै फाेनमा ५००० एमएएच क्षमताको ब्याट्री छ, जसका लागि १८ वाटकाे फास्ट चार्जर छ ।
कम्पनीका अनुसार यो फोन आजदेखि नेपाली बजारमा ४/१२८ जीबी र ६/१२८ जीबी भेरियन्टमा उपलब्ध छ, जसको बजार मूल्य क्रमशः २३ हजार ७९९ र २७ हजार १९९ रुपैयाँ रहेको छ ।
पछिल्लो अध्यावधिक: असोज २, २०७९ २२:३१
