कक्षा ४ देखि ११ सम्मका विद्यार्थीका लागि अनलाइनमै निःशूल्क अध्ययन सामग्री

काठमाडौं । चीनको वुहानबाट फैलिएको कोरोनाभाइरस अर्थात कोभिड १९ का कारण विश्व नै आक्रान्त बनेको छ । कोरोनाभाइरसको प्रत्यक्ष प्रभाव नेपालमा पनि परिरहेका छ ।

गत मंगलबारदेखि सरकाले देशभर लकडाउन गरेको छ । जसले गर्दा देशका सम्पुर्ण संघ संस्थाहरू बन्द भएका छन् ।

विश्वविद्यालय तथा विद्यालय समेत बन्द अवस्थामा छन् । सबै परीक्षा रोकिएका छन् । जसको प्रत्यक्ष असर देशभरका ७० लाख विद्यार्थीहरूले भोग्नुपरेको छ ।

परीक्षा रोकिएर बस्नुपर्दाको समयमा विद्यार्थीहरुलाई नियमित तथा थप अभ्यास आवश्यकता हुन्छ ।यसैक्रममा डियरवाक लर्निङ् सेन्टरले नेपाल सरकारले निर्धारण गरेको पाठ्यक्रममा आधारित कक्षा ४ देखि ११ सम्मका सम्पुर्ण विषयको अनलाईन कक्षा निःशूल्क उपलब्ध गराउन थालेको छ ।

घरमा बसेको समयमा विद्यार्थीले अनलाइबाटै पढाइलाई निरन्तरता दिन तथा अभ्यास गर्न सक्ने गरी डियरवाकले यसको सरुवात गरेको हो । जसमा श्रव्यदृश्य दुबै सामग्री निःशूल्क गरिएको संस्थाले जनाएको छ ।

डियरवाकले विगत लामो समयदेखि अनलाइन मार्फत यस किसिमका सामग्री उपलब्ध गराउँदै आएको थियो । तर, हालको विषम परिस्थितिमा भने आफ्नो सेवा निःशूल्क गरिएको उल्लेख छ ।

‘विगत लामो समयदेखि हामीले उपलब्ध गराउँदै आएका यी भिडियो सामग्रीहरु अहिलेको समयमा अझ सान्दर्भिक हुने ठानेका छौँ । यसबाट विद्यार्थीहरूले घरमै बसेर अध्ययन अवलोकन गरी लाभ लिनुहुनेछ भन्ने अपेक्षा राखेका छौँ,’ संस्थाले आफ्नो फेसबुक पोस्टमा उल्लेख गरेको छ।

डियर वाकको पाठ्यसामग्री आफ्नो सहजता अनुसार संस्थाको वेबसाइट, युट्युव च्यानल र मोबाइल एप डाउनालोड गरी प्रयोग गर्न सकिन्छ ।

पछिल्लो अध्यावधिक: असोज २, २०७९ २२:३६

टिप्पणीहरू