काठमाडौं । साओमीले शुक्रबार आफ्नो नयाँ रिमोट एमआई एयर चार्ज प्रविधि प्रस्तुत गरेको छ । यो प्रविधिमा एकैपटक धेरैवटा डिभाइस चार्ज गर्न सकिने बताइएको छ ।
साथै यसबाट फोन प्रयोग गर्दै चार्ज गर्न समेत सकिने कम्पनीले जनाएको छ । वायरलेस एयर चार्ज प्रविधिमा एउटा ठूलो ट्रान्समिटर जस्तो उपकरण छ ।
जसलाई सबैको पहुँच हुने बैठक कोठामा राख्न सकिन्छ । ट्रान्समिटरले स्मार्टफोनलाई वायरलेस प्रविधिबाट पाँच वाट चार्ज दिन्छ ।
यस किसिमको चार्जर प्रविधिको क्यूआई स्ट्याण्डर्ड (ओपन इन्टरफेस स्ट्याण्डर्ड) सँग कुनै सम्बन्ध छैन । यो प्रविधिलाई सपोर्ट गर्ने स्मार्टफोनमा ब्युल्ट ईन ‘बिएकन एन्टेना’ सहित मिनिएचर एन्टेना एर्रे र रिसिभिङ एन्टेना एर्रे हुनुपर्दछ ।
स्मार्टफोनमा १४ वटा एन्टेना हुन्छन्, जसले चार्जिङ पाइलबाट उत्सर्जन हुने मिलिमिटर वेभ सिग्नललाई परिवर्तन गरिदिन्छ । त्यस्तो सिग्नल रेक्टिफायर सर्किटको मद्दतबाट विद्युतीय ऊर्जामा परिवर्तन हुन्छ ।
We're excited to bring you the remote charging technology – Mi Air Charge Technology! Charge multiple devices simultaneously while you're gaming, walking around or even when something's in the way, no strings attached. Another giant leap forward in wireless charging technology! pic.twitter.com/wEoB10wOQ2
अहिलेको यो रिमोट चार्जिङ प्रविधिले धेरै मिटरसम्मको क्षेत्रमा रहेका डिभाइसहरुलाई एकसाथ चार्ज गर्न सक्छ । चार्जर र डिभाइसको बीचमा आउने भौतिक वस्तुहरुले चार्जिङ तीव्रतालाई असर नपुर्याउने साओमीको दाबी छ ।
तर यसमा केही सीमितताको अवस्था भने रहने कम्पनीले बताएको छ । उक्त चार्जरबाट स्मार्टवाच, फिटनेस ब्राण्ड र अन्य उपकरण पनि चार्ज गर्न सकिने छ । तर उक्त चार्जरको मूल्य भने निकै महङ्गो हुने निश्चित छ ।
हालसम्म चार्जरको रिलिज मिति घोषणा गरिएको छैन । साथै चार्जर सार्वजनिक भए पनि यो अहिले नै बजारमा सिपिङ हुने वा नहुने बारे पनि कुनै टुङ्गो छैन ।