टेकपाना
भदौ ४, २०७८ ८:१०
काठमाडौं । ग्लोबल आईएमई बैंकले कोर बैकिङ सिस्टमलाई स्तराेन्नति गर्दै फिनाकल भर्जन १०.२.२५ सञ्चालनमा ल्याउने भएको छ ।
यस प्रयोजनका लागि आज दिउँसो ३ बजेदेखि सिस्टम अपग्रेडको कार्य सम्पादन हुने र सोमबारदेखि फिनाकल सफ्टवेयरबाट कारोबार सुरु हुने बैंकले जनाएको छ ।
सिस्टम अपग्रेडको समयमा इन्टरनेट बैंकिङ, मोबाइल बैंकिङ र एटीएमबाट कारोबार गर्न सकिने बैंकले जनाएको छ ।
‘सिस्टम अपग्रेडको समयमा यस्ता माध्यमबाट हुने कारोबारमा केही समस्या देखिएमा सो का लागि क्षमाप्रार्थी छौं,’ बैंकले जारी गरेको सूचनामा भनिएको छ ।
पछिल्लो अध्यावधिक: असोज २, २०७९ २२:३१