काठमाडौं । भुक्तानी सेवाप्रदायक ई-सेवा र फेसन ब्रान्ड उत्पादक कम्पनी केड कम्पनी प्रा.लि. बीच भुक्तानी सम्बन्धी सम्झौता भएको छ । सम्झौता अनुरूप ग्राहकहरूले केड अनलाइन स्टोरबाट सामग्री खरिद गर्दा ई-सेवामार्फत भुक्तानी गर्न सक्नेछन् ।
ई-सेवाका ग्राहकले केडका सामान खरिद गर्दा वेब चेकआउट र एपबाट सजिलैसँग भुक्तानी गर्न सक्नेछन् ।
हाल ई-सेवाको सेवा एन्ड्रोइड तथा आइओएस मोबाइलमार्फत करिब ७० लाख ग्राहकले लिइरहेका छन् ।
यसैगरी देशभर रहेका एक लाख ८५ हजार भन्दा बढि एजेन्ट (ई-सेवा जोन तथा पोइन्ट) मार्फत अप्रत्यक्ष रुपमा करिब डेढ करोड जनसंख्याले सेवा लिइरहेको कम्पनीको दाबी छ ।