टेकपाना
बैशाख ४, २०८० १६:५२
काठमाडौं । भोलिदेखि काठमाडौंमा एसिसी प्रिमियर कप सुरू हुँदैछ ।
नेपाल क्रिकेट संघ (क्यान) ले कीर्तिपुरस्थित त्रिभुवन विश्वविद्यालय (टीयू) र मुलपानीको क्रिकेट मैदानमा प्रतियोगिताका खेल सञ्चालन हुने जानकारी दिएको छ ।
यसअन्तर्गत मुलपानीमा हुने सबै खेलका लागि निःशुल्क प्रवेशको व्यवस्था मिलाइएको छ भने टीयू मैदानमा हुने खेलका लागि २०० रूपैयाँ टिकट शुल्क तोकिएको छ ।
अनलाइनबाट भने १५० रुपैयाँमै टिकट काट्न सकिनेछ । क्यानले यसका लागि टिकेटिङ पार्टनरका रुपमा माई पेसँग सहकार्य गरेको छ ।
नेपालसहित १० देश सम्मलित यस प्रतियोगिताको विजेता एसिया कप क्रिकेटका लागि छनोट हुन्छ ।
पछिल्लो अध्यावधिक: बैशाख ४, २०८० १६:५४