काठमाडौं । खल्ती एपमा क्यूएफएक्स सिनेमाजको टिकट खरिदमा समस्या आएको छ ।
एक सूचना जारी गर्दै खल्तीले यसबारे जानकारी दिएको हो । क्यूएफएक्स सिनेमाजको सिस्टम माइग्रेसनका कारण सो सिनेमा चेनमा लागेका चलचित्रहरूको टिकट खरिद अवरुद्ध भएको सूचनामा उल्लेख छ ।
“क्यूएफएक्स सिनेमाजको सिस्टम माइग्रेसनका कारण खल्ती एपमार्फत मुभी टिकट खरिद सुविधा अर्को सूचना प्रकाशित नभएसम्मका लागि अवरुद्ध भएको जानकारी गराउन चाहन्छौं,” सूचनामा खल्तीले लेखेको छ ।
तर क्यूएफएक्स सिनेमाजको वेबसाइटबाट टिकट खरिद गरेर खल्तीमार्फत भने भुक्तानी गर्न सकिने कम्पनीले बताएको छ ।