भोलिदेखि तीन दिनसम्म नेप्से नचल्ने
पुस २५, २०८० १७:३२
काठमाडौं । बिहीवार साँझदेखि शनिवारसम्म नेपाल स्टक एक्सचेन्ज लिमिटेड (नेप्से)को वेबसाइट नचल्ने भएको छ । एक सूचना जारी गर्दै नेप्सेले तीन दिनसम्म कारोबार प्रणाली नचल्ने जानकारी दिएको छ ।
“विद्युत मर्मत तथा सम्भार सम्बन्धी कार्य गर्ने भएकाले बिहीबार साँझ ५:०० बजेदेखि शनिवार राति ११:०० बजेसम्म नेप्सेको कारोबार प्रणाली बन्द रहने ब्यहोरा सम्बन्धित सबैको जानकारीका लागि अनुरोध छ,” सूचनामा भनिएको छ ।
विद्युतीय प्रणाली अद्यावधिक गर्ने यस कार्यबाट पर्न गएको असुविधाका लागि नेप्सेले सेवाग्राहीमा क्षमा समेत मागेको छ ।
पछिल्लो अध्यावधिक: पुस २५, २०८० १७:४२
