काठमाडौं । इन्टरनेट सेवाप्रदायक भायानेट कम्युनिकेशन लिमिटेडले ‘साम्बा प्याक’ ल्याउने तयारी गरेको छ । भायानेटकी नयाँ ब्रान्ड एम्बेस्डर बनेकी चर्चित फुटबल खेलाडी सावित्रा भण्डारी (साम्बा) को नामबाट यो प्याक सार्वजनिक गर्न लागिएको हो ।
यस प्याकअन्तर्गत ५० एमबीपीएस, १०० एमबीपीएस, २०० एमबीपीएस र ३०० एमबीपीएस इन्टरनेट योजना उपलब्ध हुनेछन् । साम्बा प्याकको मूल्य साढे आठ हजार रुपैयाँबाट सुरु हुने बताइएको छ । साथै १०० एमबीपीएस वा सोभन्दा माथिको वार्षिक योजनामा ग्राहकले एक महिना थप बोनस पाउनेछन् ।
कम्पनीले आधिकारिक रूपमा यो प्याक भोलि सार्वजनिक गर्दैछ ।