काठमाडौं । ओप्पोले गत सेप्टेम्बरमा चीनबाट कलर ओएस १२ घोषणा गरेको थियो । आज मात्र कम्पनीले आफ्ना पछिल्ला मोडेलका स्मार्टफोनमा विश्वव्यापी रुपमा नै ओएसको नयाँ भर्सन उपलब्ध गराउने योजना सार्वजनिक गरेको छ ।
यसमा सफा किसिमको यूआई, ‘ओमोजी’ एनिमेटेड इमोजी, सधैँभरी डिस्प्ले अन राख्न सकिने, वालपेपरमा आधारित थिमको सपोर्ट र सुधारिएको ब्याट्री खपत व्यवस्थापन जस्ता फिचर समावेश छन् । ओएसको विश्वव्यापी भर्सनमा यी मध्ये अधिकांश फिचर रहने बताइएको छ ।
चीनमा यो भर्सन उपलब्ध गराइएको भए पनि ओपपोले कलर ओएसको अन्तर्राष्ट्रिय भर्सन एन्ड्रोइड १२ मा स्थिर हुने बताएको छ । कहिलेसम्म आउँछ तपाईंको मोबाइलमा ?
ओप्पोले सन् २०२२ को अन्त्यसम्ममा आफ्ना ५२ ओटा स्मार्टफोन मोडेलमा कलर ओएस १२ अपडेट उपलब्ध गराउने बाचा गरेको छ । आश्चर्यको कुरा त के छ भने फ्ल्यागशिप फोन ओप्पो फाइन्ड एक्स थ्री प्रो फाइभजीमा भने आजै (११ अक्टोबर, २०२१) देखि नै डाउनलोड गर्न सकिने भएको छ ।
यदि तपाईंसँग ओप्पोका अन्य स्मार्टफोन छन् भने तपाईंले २०२१ को डिसेम्बर अघि वा ढिलोमा २०२२ को डिसेम्बर अघिसम्म अपडेट पाउन सक्नुहुन्छ । ओप्पोले अपडेट प्राप्त गर्न बाँकी रहेका मोबाइललाई चार ओटा समूहमा वितरण गरेको छ । जुन तपाईंले तल हेर्न सक्नुहुनेछ ।
नोभेम्बर २०२१ देखि
-फाइन्ड एक्स २ प्रो (अटोमोबिली ल्याम्बोर्गिनि सहित)