ट्रेन्डिङ:
आईओएस १६ मा कपी पेस्टको समस्या बग भएको पुष्टि थाहा पाइराख्नुहोस् मोबाइलको चार्जरमा हुने सङ्केत र तिनको अर्थ ब्लक भएका वेबसाइट हेर्ने ५ तरिका सामसङ इन्टरनेटबारे तपाईँलाई कति थाहा छ ? जानिराख्नुहोस् यी विषय स्मार्टफोनमा जीपीएसको साटो आफ्नै स्वदेशी नेभिगेसन प्रणाली लागू गर्न बाध्य पार्दै भारत दूरसञ्चार सेवाप्रदायक आपसमा गाभिन सक्ने, प्राधिकरणबाट पारित भयो नियमावली ‘९.६ जीबीपिएस सम्मको स्पीड हुने वाइफाइ सिस्टमको तयारी गरिरहेका छौं’ स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी सजिलो सेवाको मोबाइल एप सार्वजनिक, अनलाइनबाटै धोबीदेखि ड्राइभरसम्म मगाउन सकिने थाहा पाइराख्नुहोस् मोबाइलको चार्जरमा हुने सङ्केत र तिनको अर्थ
close

आईओएस १६ मा कपी पेस्टको समस्या बग भएको पुष्टि

टेकपाना टेकपाना

असोज ४, २०७९

आईओएस १६ मा कपी पेस्टको समस्या बग भएको पुष्टि

काठमाडौं । एप्पलले अघिल्लो सातामात्र आईओएस १६ सार्वजनिक गरेको थियो । आईओएस सार्वजनिक गरेलगत्तै थुप्रै प्रयोगकर्ताले नयाँ आईओएसमा विभिन्न समस्याको देखिएकाे गुनासाे गरेका दिए ।

त्यसमा सबैभन्दा पहिले नयाँ एप इन्स्टल नहुने समस्या आएको थियाे ।

उक्त समस्यालाई केही समयमै एप्पलले समाधान गरेको उल्लेख गरेपनि प्रयोगकर्ताले आइओएस १६ मा कपी पेस्ट गर्न समस्या आएको गुनासाे गर्न थाले ।

त्यसमा विशेषगरी कुनै पनि सामग्री पेस्ट गर्दा हरेक पटक अलाउ (allows) को विकल्प आइरहेको थियो, जसले गर्दा आईओएस १६ प्रयोगकर्ता उक्त समस्याले दिकदार भएका थिए ।

केही प्रयोगकर्ताले एप्पलले गोपनीयताको नाममा प्रयोगकर्तालाई हैरान बनाएको आरोपसमेत लगाएका थिए ।

एप्पलका सीईओ टिम कुक र सफ्टवेयर प्रमुख क्रेग फेडेरिघीलाई ईमेलमार्फत आएका गुनासोलाई कम्पनीका वरिष्ठ इन्जिनियर रोन ह्वाङ्गले रिप्लाई गरेका थिए । उनले प्रतिक्रियामा कम्पनीको उद्देश्य त्यसो नभएको उक्त समस्या अनपेक्षित रूपमा देखिएको जनाएका थिए ।

यसो त कम्पनीले आईओएस १६ सार्वजनिक गर्नुअघि कपी पेस्टमा समस्या भएको कुरा पाएको थिएन । यस किसिमको बगले नयाँ आईफोन १४ सिरिजलाई प्रभावित पारेको देखिन्छ ।

एप्पलले आईओएस १६.०.२ अपडेट सार्वजनिक गरेसँगै यो समस्या समाधान गर्ने अपेक्षा गरिएको छ ।