एक महिनामै भित्रिए सवा ४ अर्बका मोबाइल

काठमाडौं । गएको साउनमा मात्र चार अर्ब २४ करोड ४९ लाख ६६ हजार मूल्यको मोबाइल आयात भएको छ । तीन महिना लामो लकडाउन खुकुलो भएसँगै ठूलो परिमाणमा नेपालमा मोबाइल भित्रिएका छन् ।

यस अवधिमा भित्रएका मोबाइल सेटको संख्या चार लाख ७० हजार २६१ थान छ । गत वर्ष साउनमा दुई अर्ब ४१ करोड ४४ लाख ५८ हजार मूल्य बराबरका तीन लाख ६१ हजार ३६४ थान मोबाइल भित्रिएका थिए ।

त्यस्तै आर्थिक वर्षको पहिलो महिनामा ४० करोड ४६ लाख ३१ हजार मूल्य बढीका सात हजार ५८६ थान ल्यापटप तथा नोटबूक भित्रिएका छन् भने दुई करोड १२ लाख सात हजार मूल्यका सात हजार ३५० थान स्मार्ट वाच मुलुक भित्रिएका छन् ।

यस अवधिमा ल्याण्डलाइन फोन सेटको आयात भने घटेको छ । यसपालि ६० लाख ८६ हजार मूल्यका चार हजार ५१२ थान ल्याण्डलाइन फोन सेट मात्र नेपाल आएका छन् ।

जब कि गत वर्षको साउनमा भने ६७ लाख ८१ हजार रुपैयाँका ११ हजार ५४८ थान फोन भित्रिएका थिए । कोभिड १९ का कारण जारी लकडाउनका कारण इन्टरनेटका लागि प्रयोग हुने राउटरको आयात समेत उल्लेखनीय छ ।

साउनमा १७ करोड ८ लाख ७१ हजार मूल्यका ५४ हजार ३०३ थान राउटर नेपाल आएका छन् ।

उपकरण	थान	मूल्य रु.
मोबाइल	४७०६२१	४२६४९६६०००
ल्याण्डलाइन फोन सेट	४५१२	६०८६०००
अन्य टेलिफोन सेट	८८३३	५५९४०००
स्मार्ट वाच	७३५०	२०१२७०००
राउटर	५४३०३	१७०८७१०००
हेडफोन माइक्रोफोन	३१४८०४	२३०४८०००
ल्यापटप नोटबूक	७६८६	४०४६३१०००
ट्याब्लेट	१९७	११५९८०००

पछिल्लो अध्यावधिक: असोज २, २०७९ २२:३३

टिप्पणीहरू