अब महालक्ष्मी बैंकमार्फत अनलाइनबाटै तलब र राजस्व भुक्तानी
मंसिर २७, २०७७ ८:६
काठमाडौं । अब महालक्ष्मी विकास बैंकका संस्थागत ग्राहकहरुले अनलाइनबाटै तलब तथा राजस्वको भुक्तानि गर्न सक्ने भएका छन् । बैंकले खाताबाटै डिजिटल भुक्तानी गर्न सकिने गरी कर्पोरेट पे प्रणाली सञ्चालनमा ल्याएको हो ।
यसका लागि बैंकले नेपाल क्लियरिङ हाउस लिमिटेडसँग बीहीबार सम्झौता गरिसकेको छ । बैंकको डिजिटल प्लेटफर्ममार्फत ग्राहकले बैंकमा नगएरै स्वयम्ले रकमान्तर गर्न, तलब भुक्तानी गर्न, भेण्डर पेमेन्ट तथा सरकारी राजस्व भुक्तानी लगाइका अन्य व्यवसायिक भुक्तानी गर्न सक्नेछन् ।
एनसीएचएलको यो कर्पोर्ट पे सिस्टममा माछापुच्छ्रे बैंक, नेपाल बंग्लादेश बैंक, सानिमा बैंक र मेगा बैंक समेत आवद्ध भइसकेका छन् ।
पछिल्लो अध्यावधिक: असोज २, २०७९ २२:३४
