नेपाली बजारमा फेसबुकको पोर्टल टिभी, यस्तो छ मूल्य र फिचर

काठमाडौं । नेपाली बजारमा हालै जेनेस साेलुसनले पहिलाे पटक फेसबुकको पोर्टल टिभी ल्याएकाे छ । पाेर्टल टिभी एउटा सानाे डिभाइस हाे, जसमा १२.५ मेगापिक्सेलकाे एआई क्यामेरा र माइक्रोफोन छ ।

फेसबुक पाेर्टल टिभी प्रयाेग गरेर ग्राहकले घरमै मल्टिमिडियाको उत्कृष्ट अनुभव लिन पाउनेछन् । कम्पनीका अनुसार यो एकदमै हलुका र हातमा बोक्न मिल्ने किसिमको छ ।

यसको ठूलो स्क्रिनमा तपाईंले फेसबुक र ह्वाट्सएपहरु चलाउन सक्नुहुन्छ । तपाईंले यसमा म्यासेन्जर तथा ह्वाट्सएप भिडियो कल गर्न सक्नुहुन्छ । पोर्टल टिभीमा भएको स्मार्ट क्यामेराभित्र तपाईंको सिङ्गो परिवार सजिलै अटाउन सक्छन् । यो स्क्रिन जूम पनि हुने सुविधा छ । 

यसको स्मार्ट साउण्ड फिचरले ब्याकग्राउण्डको हल्लालाई घटाएर तपाईंको आवाजको गुणस्तरीयतालाई बढाइदिन्छ । 

यसमा हुने सबै भिडियो कल इन्क्रिप्ट हुन्छ । स्लाइक क्यामेराको मद्दतले भिडियो क्यामेरा र माइक्रोफोनलाई डिजेबल गर्न सकिन्छ । 

यसमा एलेक्जा इनब्युल्ट पनि छ । जसले तपाईंको स्मार्ट होमलाई नियन्त्रण गर्नुका साथै तपाईंको मनपर्ने गीत सुन्न समाचार हेर्न, मौसमबारे थाहा पाउन र टाइमर सेट गर्न मद्दत गर्दछ । 

यसमा नेटफ्लिक्स र अमेजन प्राइमबाट फिल्म तथा शाेको पनि मज्जा  लिन सकिन्छ । म्यासेन्जर रुमबाट ५० जनासम्म ग्रुप कल गर्न सकिने यो डिभाइसलाई रिमोटले कन्ट्रोल गर्न मिल्छ । यसमा इभर्सिभ एआर इफेक्ट पनि छ ।

यसमा तपाईंले आफ्नो मनपर्ने म्युुजिक तथा स्ट्रिमिङ एप, जस्तै स्पोटिफाई र प्यानडोरा सुन्न सक्नुहुन्छ । साथै इन्स्टाग्राम र फेसबुकमा फोटो समेत हेर्न सक्नुहुन्छ । 

४४ हजार रुपैयाँ पर्ने यो पोर्टल टिभीलाई एचडीएमआई केबलसँग जोडेर तपाईंले घरको स्मार्ट टिभीमा प्रयोग गर्न सक्नुहुन्छ ।  

यसबारे थप बुझ्न यहाँ क्लिक गर्नुहाेस् ।

पछिल्लो अध्यावधिक: असोज २, २०७९ २२:३३

टिप्पणीहरू