काठमाडाैँ । सन् २०१३ देखि सञ्चालनमा आएको नामी कलेजले बेलायतस्थित नर्थह्याम्प्टन विश्वविद्यालयबाट सम्बन्धन प्राप्त गरी विभिन्न तहका शैक्षिक कार्यक्रम सञ्चालन गरिरहेकाे छ । कलेजले उच्च मावि, ‘ए’ लेभल, स्नातक र स्नातकाेत्तर तहमा विभिन्न कोर्ष सञ्चालन गरिरहेको छ ।
आईटी काेर्ष
बीएससी (अर्नस) कम्प्युटिङ
विशेष गरेर कम्प्युटिङ, सफ्टवेयर इन्जिनियरिङ र कम्प्युटर नेटवर्क इन्जिनियरिङका विषयहर पढाइ हुने यो तीन वर्षे ३६० क्रेडिट आवरको कोर्ष हो । यो कोर्षको अध्ययनपछि विद्यार्थी सफ्टवेयर उद्योग, आईएसपी, बैक, अटोमोबाइल उद्योग आदिमा जान सक्छन् ।
बीएससी (अर्नस) कम्प्युटिङ (सफ्टवेयर इन्जिनियरिङ)
यो तीन वर्षे ३६० क्रेडिट आवरको कोर्ष हो । यस कोर्षमा विशेषत: सफ्टवेयर डेभलपमेन्टलाई केन्द्रमा राखिएको छ । साथै कोर्षमा आर्टिफिसियल इन्टेलिजेन्स (एआई), डेटाबेस, वेब टेक्नोलोजी जस्ता विषयको पढाइ हुन्छ ।
बीएससी (अनर्स) नेटवर्क इन्जिनियरिङ
यो कोर्ष विशेष गरेर कम्प्युटर नेटवर्किङमा केन्द्रित छ । यसमा सैद्धान्तिकभन्दा पनि प्रयोगात्मक कक्षा बढी आवश्यक पर्ने भएकाले उस्तै खालका विषयहरु रहेको कलेजको कम्प्युटर विभागका प्रोगाम लिडर निश्चल खड्काले बताए । यो तीन वर्षे ३६० क्रेडिट आवरको कोर्ष हो । यसमा वायरलेस एन्ड एड्भान्स नेटवर्क टेक्नोलोजिज, डेटा कम्युनिकेसन, मोबाइल कम्प्युटिङ, साइबर सेक्युरिटी जस्ता विषय रहेका छन् ।
एमएससी कम्प्युटिङ
स्नातकाेत्तर तहको यो कोर्षले विद्यार्थीलाई कम्प्युटिङका बारेमा थप बुझ्न मद्दत गर्छ । अहिले यो कोर्षमा सफ्टवेयर र नेटवर्कलाई केन्द्रमा अध्यापन भइरहेको छ । हाल यो कोर्ष ‘जनरल’ कुरामा केन्द्रित रहेको, तर भविष्यमा ‘स्ट्रिम’मा आधारित भएर जाने खड्काले बताए ।
गैरआईटी कोर्ष
यस कलेजमा आईटीबाहेकका अन्य कोर्ष पनि सञ्चालनमा छन् । जसमा उच्च मावि तहमा विज्ञान र व्यवस्थापन अध्यापन हुन्छ । त्यस्तै ब्याचलर तहमा बीएससी (अनर्स) इन्भाइरोमेन्टल साइन्स र बीबीएको पढाइ हुन्छ । साथै यस कलेजमा जीसीई ए लेभलको समेत पढाइ पनि हुने गरेको छ ।
शब्दचित्रमा नामी कलेज
सम्बन्धन: नर्थह्याम्प्टन विश्वविद्यालय, बेलायत
संस्थापक: डा. आर्जु राणा देउवा, क्या. रामेश्वर थापा, सुरेशराज घिमिरे, उमाराज्य लक्ष्मी शाह, सोनी जोशी, सीता बास्ताेला (कोइराला) र योगराज कँडेल शर्मा