एन्ड्रोइड १४ मा यस्ता छन् १० उत्कृष्ट विशेषता
बैशाख ३०, २०८० १४:२
काठमाडौं । गुगलले १८० ओटा देशका लागि एन्ड्रोइड १४ को दोस्रो बेटा भर्सन सार्वजनिक गरेको छ । यो पटक कम्पनीले एन्ड्रोइडमा धेरै एआई फिचहरू थप गरेका छन् । यसमा केही यस्ता फिचहरू छन् जसले साँच्चै नै तपाईँको फोनलाई उत्कृष्ट बनाइदिन्छ ।
१. पासकी
गुगले एन्ड्रोइड प्रयोगकर्ताको लागि पासकि सार्वजनिक गरिसकेको छ । तर सबै प्रयोगकर्ताका लागि भने होइन । एन्ड्रोइड १४ को बेटा भर्सन प्रयोग गर्ने प्रयोगकर्ताहरूले कुनै थर्ड पार्टी एप इन्स्टल गर्दा पासकी प्रयोग गर्न सक्नेछन् । यसमा पासवर्डको साटो प्रयोगकर्ताले आफ्नो फिङ्गरप्रिन्ट प्रयोग गर्न सक्नेछन् । साथै फरक-फरक एपको लागि पासकी र पासवर्ड दुवै सेभ पनि गर्न सकिनेछ । सबै एपहरूमा भने पासकी सपोर्ट नहुन पनि सक्छ ।
२. डेटा सुरक्षा
डेटा सुरक्षाको विषय अहिलेको सबैभन्दा संवेदनशील विषय हो । तपाईँले प्रयोग गरिरहनुभएको एपले नै पनि प्रयोगकर्ताको डेटा बिक्री गरेको हुनसक्छ । अथवा सुरुमा भिन्न प्रकारको डेटा नीति बनाएर पछि नीति परिवर्तन गरेको पनि हुनसक्छ । तर आफ्ना प्रयोगकर्तालाई भने सूचित नगराउने पनि गर्छन् । एन्ड्रोइड १४ को अपडेटसँगै अब यो अवस्था नरहने भएको छ । अब एन्ड्रोइड १४ ले कुनै एपले आफ्नो डेटा शेरियङको नीति परिवर्तन गर्ने वित्तिकै प्रयोगकर्तालाई सूचित गर्नेछ । यसका साथै कुनै पनि एपले तपाईँको लोकेसन डेटा प्रयोग गर्छ भने उक्त एपलाई यो फिचर प्रयोग गर्न दिन कि नदिने भनेर पनि तपाईँसँग अनुमति मागिनेछ ।
३. फुल स्क्रिन नोटिफिकेसन
अब एन्ड्रोइड प्रयोगकर्ताले आफ्नो कुनै पनि नोटिफिकेसन छुटाउनुपर्ने छैन । एन्ड्रोइड १४ को अपडेटसँगै प्रयोगकर्ताले फुल स्क्रिन नोटिफिकेसन प्रयोग गर्न सक्नेछन् । अहिलेका लागि यो फिचर फोन कल र अलार्ममा मात्र प्रयोग हुनेछ ।
४. क्यामेरा फ्ल्यास नोटिफिकेसन र भोल्युम अलर्ट
अब क्यामेराको फ्ल्यास प्रयोग गरेर मोबाइलमा आएको नोटिफिकेसन प्रयोग गर्न सकिनेछ । अर्थात आफ्नो मोबाइमा आएको नोटिफिकेसन कुनै आवाज नभइ फ्ल्यासका आधारमा थाहा पाउन सकिनेछ । फरक-फरक नोटिफिकेसनका लागि फरक-फरक रंगका फ्ल्यास पनि प्रयोग गर्न सकिने बताइएको छ । यसका साथै अब प्रयोगकर्ताले धेरै ठूलो आवाजमा लामो समयसम्म कुनै संगित वा अन्य केही आवाज सुनिरहेका छन् भने फोनले नोटिफिकेसन पठाउनेछ जसले आवाज कम गर्नको लागि आग्रह गर्नेछ ।
५. कस्टमाइज लकस्क्रिन
एन्ड्रोइड १४ को अपडेटसँगै प्रयोगकर्ताले आफ्नो फोनमा विभिन्न एआई जेनेरेटेड वालपेपर सहित आफ्नो लकस्क्रिन परिवर्तन गर्न सक्नेछन् । यो फिचर भने सुरुमा पिक्सेल फोनहरूमा उपलब्ध हुनेछ । यसका साथै मटेरियल युमा धेरै फिचरहरू थप भएको कम्पनीले जनाएको छ ।
६. स्वाइप फिचर
एन्ड्रोइड १४ मा स्वाइप फिचरमा पनि कम्पनीले थोरै परिवर्तन गरेको छ । अब प्रयोगकर्ताले एउटा एपबाट अर्को प्रयोग गरिरहेको एपमा स्वाइप गर्दा स्क्रिनमा स्लाइड गर्नेबेला अर्को एप पूर्ण रुपमा खोल्नु भन्दा अगाडि सो एपमा के छ भनेर देख्न सकिन्छ । यो फिचर स्पोटिफाइको फिचरसँग मिल्दोजुल्दो छ ।
७. वान-स्टप हेल्थ शप
गुगलले हालै नयाँ हेल्थ कनेक्ट एप सार्वजनिक गरेको छ । यो एप प्रयोग गरेर आफ्नो हेल्थ डेटा विभिन्न डिभाइसमा शेयर गर्न सकिनेछ । अब आउने नयाँ एन्ड्रोइड स्मार्टफोनहरूमा यो एप पहिले नै इन्स्टल भएर पनि आउन सक्नेछ ।
८. हेयरिङ एड फिचर अपडेट
अब तपाईँ कस्तो प्रकारको आवाज सुन्न चाहनुहुन्छ भन्ने कुरा तपाईँको एयरबडमा मात्र सीमित हुनेछैन । जुन प्रकारको इयरबडमा पनि तपाईँले आफ्नो आवश्यकता अनुसारको आवाज छनोट गर सुन्न सक्नुहुनेछ । यसको अर्थ, गितको लागि, फोन कलको लागि अथवा अन्य कुनै मिडियाका लागि फरक फरक आवाज छनोट गर्न सकिनेछ ।
९. स्मार्ट फाइल ट्रान्सफर
गुगलले फोनमा ब्याकअपको लागि नयाँ एपीआई तयार गरेको छ । यो फिचर प्रयोग गर्दा प्रयोगकर्ताले आफ्नो डेटा शेयरिङ गर्ने समयमा मोबाइलमा ध्यान दिएर बस्न जरुरी छैन । यसले डेटा ट्रान्सफर गर्दा त्यो प्रक्रिया पुरा नभएसम्म स्वत: काम गरिरहनेछ । साथै केही कारणले गर्दा कनेक्सन टुटेको अवस्थामा डेटा शेयरिङ रोकिनेछ भने डिभाइस कनेक्ट भएपछि पुन: शेयरिङ स्वत: सुचारु हुनेछ ।
१०. ठूला अक्षर
आखाँ कमजोर भएका प्रयोगकर्ताको लागि एन्ड्रोइड १४ मा नयाँ फिचर छ । अब कुनै पनि अक्षरलाई २०० प्रतिशतसम्म ठूलो बनाएर हेर्न र पढ्न सकिनेछ । साना अक्षर पढ्न समस्या भएका प्रयोगकर्ताको लागि यो फिचर उपयुक्त हुनेछ ।
पछिल्लो अध्यावधिक: बैशाख ३०, २०८० १४:२
