काठमाडौं । पेट्रोलियम पदार्थमा भइरहेको लगातारको मूल्य वृद्धि र प्रविधिको विकासले गर्दा विद्युतीय गाडीप्रति आम मानिसहरूको आकर्षण बढ्दो छ । पछिल्ला केही वर्षमा आईसी इन्जिन भएका गाडी छोडेर विद्युतीय गाडीमा स्थानान्तरण हुनेहरूको सङ्ख्या थुप्रै छ ।
यदि तपाईंले पनि भर्खरै विद्युतीय गाडी लिनु भएको छ भने सम्भवतः नियमित रूपमा घरकै एसी चार्जर प्रयोग गरिरहनु भएको होला । अर्को कुरा विद्युतीय गाडी लामो यात्रामा लैजाने मेसो पनि नजुरेको हुन सक्छ ।
यस्तोमा डीसी चार्जिङ स्टेसन उपलब्ध रहेका स्थान र त्यसलाई प्रयोग गर्ने तरिका थाहा नहुनु स्वाभाविक नै हो । त्यसैले आज हामी दशैं बिदामा आफ्नो ईभी लिएर लामो दूरीको यात्रामा निस्किन चाहनेहरूको सहजताका लागि यो सामग्री तयार पार्दै छौं ।
कहाँ-कहाँ छन् चार्जिङ स्टेसन ?
विभिन्न विद्युतीय सवारी साधन कम्पनीहरूले देशका अनेक स्थानमा आ-आफ्नै चार्जिङ स्टेसन बनाएका छन् । यद्यपि नेपाल विद्युत् प्राधिकरणले सञ्चालनमा ल्याएका चार्जिङ स्टेसन सबैभन्दा महत्त्वपूर्ण छन् ।
प्राधिकरण अन्तर्गत देशभर विभिन्न स्थानमा ५१ ओटा चार्जिङ स्टेसन सञ्चालनमा छन् । जहाँ सीसीएस र जीबीटी स्ट्यान्डर्डका चार्जरहरू राखिएका छन् । साथै प्रत्येक चार्जिङ स्टेसनमा ७ किलोवाट आवरको एसी चार्जर समेत पाउन सकिन्छ ।
क्र. सं.
चार्जर रहेका स्थान
सङ्ख्या
१.
बिर्तामोड बसपार्क, झापा
२
२.
दमक चार्जिङ केन्द्र, झापा
२
३.
विराटनगर बसपार्क, मोरङ
१
४.
इनरुवा बसपार्क, सुनसरी
१
५.
बेलका चार्जिङ केन्द्र, उदयपुर
२
६.
प्रहरी कल्याण कोष पेट्रोल पम्प, कदमाहा, सप्तरी
२
७.
हरिवन रिफ्रेश सेन्टर, सर्लाही
१
८.
इलाका प्रहरी कार्यालय, निजगढ, बारा
२
९.
हेटौँडा चार्जिङ सेन्टर, रातमाटे, मकवानपुर
२
१०.
पारस बसपार्क, चितवन
२
११.
मुग्लिन पुल, चितवन
१
१२.
इलाका प्रहरी कार्यालय, खानीखोला, धादिङ
२
१३.
साझा सेवा, बल्खु काठमाडौं
२
१४.
साझा यातायात, ललितपुर
२
१५.
साझा सेवा, बनेपा
२
१६.
नेपाल पुलिस क्लब, काठमाडौं
१
१७.
नेपाल विद्युत् प्राधिकरण, काठमाडौं
१
१८.
लुम्बिनी प्रदेश प्रहरी कार्यालय, बुटवल, रूपन्देही
२
१९.
इलाका प्रहरी कार्यालय बर्दघाट, नवलपरासी
२
२०.
भैरहवा बसपार्क रूपन्देही
१
२१.
इलाका प्रहरी कार्यालय, गोरुसिङ्गे, कपिलवस्तु
२
२२.
लमही नयाँ बसपार्क, दाङ
२
२३.
नेपाल एपीएफ स्कुल, कोहलपुर, बाँके
२
२४.
सशस्त्र प्रहरी बल, वैद्यनाथ वाहिनी, कैलाली
१
२५.
नयाँ बसपार्क, सुर्खेत
२
२६.
पर्यटक बसपार्क, पोखरा, कास्की
१
२७.
लेकसाइड कास्की
१
२८.
बसपार्क र हावा घर, नुवाकोट
२
२९.
सिन्धुलीगढी बसपार्क, सिन्धुली
१
३०.
खुर्कोट रिफ्रेश सेन्टर, सिन्धुली
२
३१.
इलाका प्रहरी कार्यालय, बर्दिवास, महोत्तरी
१
३२.
सशस्त्र प्रहरी बल, शैलेश्वरी, कञ्चनपुर
१
जम्मा
५१
प्राधिकरणको चार्जिङ स्टेसनमा कसरी गर्ने चार्ज ?
‘म्यानलेस’ अर्थात् मानवरहित प्राधिकरणका चार्जर तपाईं आफैंले गाडीमा जोड्नुपर्ने हुन्छ । त्यस बाहेक चार्ज गर्ने प्रक्रिया समेत तपाईंले थाहा पाउन जरुरी हुन्छ । किन कि चार्जर भएका ठाउँमा तपाईंलाई सघाउने कोही पनि नहुन सक्छ ।
सबैभन्दा पहिला आईफोनका लागि यहाँ क्लिक अथवा एन्ड्रोइडका लागि यहाँ क्लिक गरी एनईए चार्ज नामक एप आफ्नो मोबाइलमा डाउनलोड गर्नुहोस् । ‘नेक्स्ट’ गर्दै ‘गेट स्टार्टेड’ लेखिएको बटनमा थिच्नुहोस् । एपको होम पेजमा पुगिसकेपछि तपाईंले त्यहाँ एनईए चार्जर रहेका सम्पूर्ण स्थान र त्यहाँसम्म पुग्ने गुगल नेभिगेसन समेत प्राप्त गर्न सक्नु हुन्छ ।
त्यसपछि एप खोल्नुहोस् र खाता खोल्न तल दायाँ कुनामा रहेको अकाउन्ट आइकनमा जानुहोस् ।
अब माथि ‘क्लिक हेयर टु साइन इन’ लेखिएको स्थानमा थिचेर त्यहाँ भित्र रहेको ‘साइन अप’ मा दबाउनुहोस् र आफ्नो ईमेल, मोबाइल नम्बर राखेर भेरिफिकेसनका लागि ‘सेन्ड ओटीपी’ मा थिच्नुहोस् ।
प्राप्त ओटीपी कोड राखेपछि नयाँ पासवर्ड तयार पार्नुहोस् र ‘टर्म्स एण्ड कन्डिसन’ मा टिक लगाएर ‘नेक्स्ट’ बटन थिच्नुहोस् ।
त्यसपछि आफ्नो युजरनेम, नाम, जन्ममिति लगायतका विवरण राखेर साइनअप गर्नुहोस् ।
अकाउन्ट खोलिसकेपछि अब तपाईंले आफ्नो एनईए चार्जर एप टपअप गर्नुपर्न हुन्छ र उक्त टपअप रकमबाटै तपाईंको गाडीले खपत गरेको चार्जको बिल काटिने गर्छ ।
टपअप गर्न तल पुछारमा दायाँतर्फबाट दोस्रो विकल्पको रूपमा रहेको भौचरमा थिच्नुहोस् र टु चार्जभित्र जानुहोस् ।
अब त्यहाँ तल टप-अप लेखिएको स्थानमा थिच्नु भयो भने ईसेवा र खल्ती डिजिटल वालेटबाट टपअप गर्ने विकल्प देखा पर्छ ।
त्यहाँ रिचार्ज ब्यालेन्स अन्तर्गत टपअप गर्न चाहेको रकम रकम उल्लेख गर्नुहोस् र ईसेवा वा खल्ती मध्ये जुन वालेट प्रयोग गर्न चाहनु हुन्छ, त्यसलाई छानेर अन्तिममा रहेको टप-अप बटन थिच्नु होस् र अर्को पेजमा गएर ‘ओके’ बटनमा दबाउनु होस् ।
यति गरिसकेपछि तपाईंको कारोबारको विवरण भरिएर आउँछ, त्यहाँ आफ्नो वालेटको आईडी तथा पासवर्ड राखेर लगइन गर्नुहोस् र एनईए चार्जर एप टपअप गर्नुहोस् ।
अब प्राधिकरणको चार्जर झिकेर आफ्नो गाडीमा जोड्नुहोस् ।
राम्रोसँग कनेक्ट भइसकेपछि चार्जरको स्क्रिनमा एउटा क्यूआर कोड देखा पर्छ । एनईए चार्जर एपमा तल बीच भागमा रहेको स्क्यानर खोलेर स्क्यान गर्नुहोस् ।
यति गरेपछि तपाईंको गाडी चार्ज हुन थाल्छ र त्यसमा लागेको शुल्क अघि टपअप गरेको ब्यालेन्सबाट आफैं काटिंदै जान्छ ।