भोलि नेपाल प्रहरीको अनलाइन सेवा अवरुद्ध हुने
फागुन १५, २०८१ १८:५८
काठमाडौं । भोलि (शुक्रबार) नेपाल प्रहरीको अनलाइन सुविधामा अवरुद्ध हुनसक्ने भएको छ । बिहीबार एक सूचना जारी गर्दै नेपाल प्रहरी प्रधान कार्यालयले यसबारे जानकारी दिएको हो ।
बिहान १० बजेदेखि साँझ ५ बजेसम्म प्राविधिक मर्मत सम्भारका कारण समस्या आउन सक्ने बताइएको छ ।
सो अवधिमा नेपाल प्रहरीको वेबसाइट, अनलाइन प्रहरी चारित्रिक प्रमाण-पत्र र नेपाल प्रहरीको एपमा अवरोध हुनसक्ने सूचनामा उल्लेख छ ।
पछिल्लो अध्यावधिक: फागुन १५, २०८१ १८:५९
