ट्रेन्डिङ:
अब नेपालमै विद्युतीय गाडी बनाउनुपर्छः अर्थमन्त्री फेसबुक र गुगलको सम्मेलनमा शीर्ष २५ भित्र परे चार नेपाली ५० मेगापिक्सेल क्यामेरा भएको 'ओप्पो ए१७' बजारमा नेपालमै मोबाइल फोन उत्पादन गर्न व्यवसायीलाई अर्थमन्त्रीको आग्रह पठाओको दशैं महोत्सवमा आदित्य र तारापतिलाई बजाज पल्सर र डिस्कभर बाइक आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल अन्ततः घरघरमा जोडिने भए स्मार्ट मिटर, विद्युत प्राधिकरणलाई फ्रिक्वेन्सी दिने सरकारको निर्णय स्मार्टफोनमा जीपीएसको साटो आफ्नै स्वदेशी नेभिगेसन प्रणाली लागू गर्न बाध्य पार्दै भारत कस्तो छ ग्लोबल आईएमई बैंकको नयाँ मोबाइल बैंकिङ एप ? भोलिदेखि काठमाडौंमा ह्याकरहरुको सम्मेलन, यसरी हुनुहोस् सहभागी
close

अब नेपालमै विद्युतीय गाडी बनाउनुपर्छः अर्थमन्त्री

टेकपाना टेकपाना

असोज ६, २०७९

फाइल तस्वीर

काठमाडौं । अर्थमन्त्री जनार्दन शर्माले नेपालमै विद्युतीय गाडी निर्माण गर्नुपर्ने बताएका छन् । राजधानीमा बिहीबार नाडा ईभी एक्स्पो उद्घाटन गर्दै मन्त्री शर्माले यसका लागि सरकारले आवश्यक सहयोग गर्ने प्रतिबद्धता व्यक्त गरे ।

“नेपालमै विद्युतीय गाडी बन्नुपर्ने माग मेरो पनि छ । तपाईँहरु मिलेर एउटा उद्योग बनाउनुस् वा १० ओटा बनाउनुस् । तर बनाउनुस् । यसका लागि ब्याजमा कहाँ मद्धत गर्नुपर्छ, बिजुलीमा कहाँ मद्धत गर्नुपर्ने हो, भन्सारमा कहाँ मद्दत गर्नुपर्ने हो, सरकार तयार छ,” उनले भने ।

नेपालको सन्दर्भमा गत वर्षमात्रै करिब तीन खर्बको पेट्रोलियम इन्धन आयात भएको बताउँदै यसले देशमा तरलता अभाव सिर्जना हुन नदिन विद्युतीय सवारीको प्रवर्द्धन गर्नुपर्नेमा उनले जोड दिए ।

साथै बजेट कार्यक्रममा ग्रीन हाइड्रोजन र ग्रीन एमोनियाका विषय समावेश भएको उल्लेख गर्दै उनले प्राकृतिक स्रोत, पुँजी आदिलाई प्रविधिको प्रयोग गरी अर्थतन्त्र बढाउन सकिने भनाइ राखे । 

सम्पूर्ण पेट्रोलियम गाडीलाई विद्युतीय गाडीमा रूपान्तरण गर्ने योजनाबारे पनि सरकार अध्ययनमा जुटेको उनले जनाए । 

आजदेखि सुरू भएको ईभी एक्स्पो चार दिनसम्म सञ्चालन हुनेछ ।