काठमाडौं । नोकियाले चाँडै नै एउटा नयाँ स्मार्टफोन सार्वजनिक गर्ने भएको छ । बाहिर आएको रिपोर्ट अनुसार कम्पनीले १५ डिसेम्बरमा आफ्नो नयाँ सस्तो स्मार्टपवन सार्वजनिक गर्ने भएको हो ।
यो फोन एन्ड्रोइड टेन गो एडिसनमा आधारित हुने बताइएको छ । खबरअनुसार कम्पनीले हाललाई यो फोन चिनियाँ बजारमा सार्वजनिक गर्नेछ ।
चीनमा एन्ड्रोइड गो एडिसनमा सार्वजनिक हुने यो पहिलो स्मार्टफोन हुनेछ । नोकियामोबको रिपोर्ट अनुसार नोकियाको नयाँ स्मार्टफोन एन्ड्रोइड टेन गोमा आधारित हुनेछ ।
चिनियाँ माइक्रो ब्लगिङ साइट वाइबोमार्फत नोकियाले सार्वजनिक गरेको तस्वीर हेर्दा यो फोनमा नोकिया सी थ्री जस्तै फिचर हुनसक्ने अन्दाज गर्न सकिन्छ ।
यसमा बायाँतर्फको भागमा कुनै बटन छैनन् । नोकिया मोबाइलको तस्वीरमा भएको क्याप्सनमा नोकिया सी थ्रीको साथी उल्लेख छ । यसको अर्थ यो डिभाइस नोकिया सी सिरिजकै हुने देखिन्छ भने सम्भवतः यसको नाम नोकिया सी वान प्लस हुनेछ ।
यो फोन एन्ड्रोइड गो एडिसनमा हुने भएका कारण यो स्मार्टफोन मेल, म्याप, भ्वाइस सपोर्ट जस्ता गुगल एपलाई यसले सपोर्ट गर्दछ । तर चीनमा गुगल एपले काम गर्दैनन् ।
यस्तोमा कम्पनीले चीनमा एन्ड्रोइड टेन एडिसन ल्याउनका लागि केही वर्कअराउण्ड रहनसक्ने बताइएको छ । यद्यपी अहिलेसम्म यो फोनसँग जोडिएका थप जानकारी भने बाहिर आएका छैनन् ।
त्यसैले प्रयोगकर्ताले यसका लागि केही समय कुर्नै पर्नेछ । एचएमडी ग्लोबलले आउँदो सालको सुरुवातमा नोकिया ५.४ तथा नोकिया ९.३ प्योरभ्यू सार्वजनिक गर्ने योजना बनाएको छ ।
जुन पछिल्लो समय टेनामा सूचीकृत भएको थियो । जसअनुसार यी स्मार्टफोनमा स्नापड्रागन ६६२ प्रोसेसर र क्वाड क्यामेरा सेटअप हुनेछ ।
यो फोन रातो र निलो रंगमा उपलब्ध हुनेछ भने यसमा ५.४५ इन्चको डिस्प्ले राखिएको छ । २ जीबी र्याम तथा ६४ जीबी स्टोरेजका साथ आउने यो फोनमा मेन क्यामेरा ५ मेगापिक्सेल तथा फ्रन्ट क्यामेरा ३ मेगापिक्सेलको हुनेछ ।
साथै यसमा २५०० एमएएच क्षमताको ब्याट्री हुनेछ । नोकियाले यो फोन विश्वभर अन्य मुलुकमा समेत सार्वजनिक गर्ने जनाएको छ ।