काठमाडौं । यदि तपाईंले कतैबाट शंकास्पद ईमेल पाउनु भयो भने त्यसलाई डिलिट वा बेवास्ता गर्न सक्नुहुन्छ । वा अर्को माध्यम भनेको त्यस्ता ईमेलको विश्लेषणका लागि माइक्रोसफ्टमा पठाउन सक्नुहुन्छ ।
यसका लागि तपाईंले रिपोर्ट माइक्रोसफ्टको विशेष ठेगाना वा रिपोर्ट म्यासेज भनिने आउटलूक एड इनमा पठाउनु पर्ने हुन्छ । साथै कुनै पनि म्यासेजलाई स्पामको रुपमा मार्क गर्नु छ, तर कसैले गरेको छैन भने त्यसलाई ‘फल्स नेगेटिभ’ भनेर तपाईंले प्रोसेस गर्न सक्नुहुन्छ ।
यसबाहेक कुनै पनि वैधानिक म्यासेज भुलवश स्पामको रुपमा मार्क भएको छ भने तपाईंले त्यसलाई ‘फल्स पोजेटिभ’ को रुपमा रिपोर्ट गर्न सक्नुहुन्छ । माइक्रोसफ्टले आफ्नो स्पाम फिल्टरिङ प्रविधिलाई सुधार गर्न त्यस्ता म्यासेजको विश्लेषण गर्दछ ।
यदि तपाईंले माइक्रोसफ्ट आउटलूक प्रयोग गर्ने हो भने रिपोर्ट म्यासेज एड ईन इन्स्टल गरी इनेबल गर्नुहोस् । यो एड इनले तपाईंको माइक्रोसफ्ट अफिस ३६५ सब्सक्रिप्सन र आउटलूकका अन्य भर्सनहरु जस्तै- वेबको आउटलूक, आउटलूक २०१३ एसपीवान, आउटलूक २०१६, आउटलूक २०१६ फर द म्याक र आउटलूक विथ अफिस ३६५ प्रो प्लसका लागि काम गर्नेछ ।
तर एड इन इनेबल गर्न तपाईंलाई अफिस ३६५ को बिजनेस अकाउन्ट आवश्यक पर्छ । रिपोर्ट म्यासेज इन्स्टल गरिसकेपछि रिपोर्ट गर्न चाहेको ईमेल चयन गर्नुहोस् ।
होम रिबनमा रहेको रिपोर्ट म्यासेज आइकनमा क्लिक गर्नुहोस् । अब तपाईंले रिपोर्ट गर्न चाहेको म्यासेजको उपयुक्त डिस्क्रिप्सन अप्सन चयन गर्नुहोस् । जस्तै स्पाम वा फिशिङ ।
कुनै पनि वैधानिक म्यासेजलाई स्पामको रुपमा ट्याग गरेको छ भने त्यसका लागि नट जङ्क अप्सन छनौट गरी रिपोर्ट गर्न सक्नुहुन्छ । यति गरेपछि बाइ डिफल्ट एउटा कन्फर्मेसन म्यासेज देखा पर्छ ।
तपाईंको रिपोर्ट पठाउन एउटा रिपोर्ट बटन पनि क्लिक गर्नुहोस् । तपाईंले चाहेको खण्डमा कन्फर्मेसन म्यासेजलाई टर्न अफ गर्न सक्नुहुन्छ ।
तर यदि तपाईं आउटलूक प्रयोग गर्नुहुन्न र तपाईंको भर्सनलाई रिपोर्ट म्यासेज एड इनले सपोर्ट गर्दैन भने तपाईंले फिशिङ वा स्पाम ईमेललाई माइक्रोसफ्टमा फवार्ड गर्न सक्नुहुन्छ । यसका लागि आफ्नो ईमेल प्रोग्राममा खाली इमेल म्यासेज कृयट गर्नुहोस् ।
१. फिसिङ इमेलका लागि आफ्नो म्यासेज [email protected] मा पठाउनुहोस् ।