गेमिङ पारखीका लागि नेपाली बजारमा ‘पोको एक्स थ्री प्रो’ सार्वजनिक, यस्तो छ मूल्य र फिचर
जेठ २, २०७८ १४:५०
काठमाडौं । नेपाली बजारमा पोको एक्स थ्री प्रो सार्वजनिक भएको छ । साओमी नेपालले आइतबार नेपाली बजारमा पोकोको पछिल्लो उत्पादन सार्वजनिक गरेको हो । युवा प्रयोगकर्ता र विशेषगरी गेमिङ पारखीका लागि यो मोडल उपयुक्त रहेको कम्पनीले बताएको छ ।
पोकोको एक्स थ्री प्रो फोनको कुरा गर्दा यो ६.६७ इन्च फुल एचडी प्लस डिस्प्ले र २४००x१०८० पिक्सेल रेजाेलुसन भएको आईपीएस एलसीडी फोन हो । यसको स्क्रिनमा १२० हर्जको रिफ्रेस रेट र २४० हर्जको टच स्याम्पलिङ रेटले उत्कृष्ट गेमिङ एक्सपिरियन्स प्रदान गर्दछ ।
यो फोनमा २०:९ एस्पेक्ट रेसियो र गोरिल्ला ग्लास सिक्स छ, जसले गेमिङका लागि राम्राे स्क्रिन एक्सपिरियन्स प्रदान गर्दछ । यसमा ६ र ८ जीबीको र्याम भेरियन्ट र क्वालकम स्नापड्रागन ८६० प्रोसेसर छ ।
त्यस्तै फाेनमा ५१६० एमएएच पावरको शक्तिशाली ब्याट्री छ, जुन दिनभरी टिक्ने दाबी कम्पनीकाे छ । यसले २६ वाटको यूएसबी पीडी चार्जिङ सपाेर्ट गर्छ । फाेन किन्दा इन–बक्स फास्ट ३३ डब्लु टाइप–सी चार्जर पाउन सक्नुहुन्छ ।
उपभोक्ताहरुको आवश्यकता अनुरुप उत्कृष्ट टेक्नोलोजीको वितरण गर्ने प्रयासमा पाेकाे एक्स थ्री प्राे सार्वजनिक गरिएकाे सााओमी नेपालका कन्ट्री जनरल म्यानेजर सौरभ कोठारीले बताए ।
‘गेमिङ्ग, फोटोग्राफी र उच्च प्रदर्शनको एक उत्तम संयोजनले पोको एक्स ३ प्रो मा स्मुथ गेमिङ्ग एक्सपेरियन्सको लागि लिक्विड कुल प्लस टेक्नोलोजीको समावेश गरिएको छ,’ उनले भने, ‘त्यस्तै कहिल्यै नसक्किने एक्सपेरियन्सको लागि एमएमटी चार्जिङ्ग टेक्नोलोजीबाट निर्मित ठूलो ब्याट्री रहेको छ ।’
यो अक्टाकोर चिपसेट ७ न्यानो मिटरको प्रोसेसिङ्ग टेक्नोलोजीको साथ उपलब्ध छ । कम्पनीका अनुसार शक्तिशाली एड्रेनो ६४० जीपियुको ग्राफिक्स प्रोसेसर रहेकाे यो उपकरणमा बिना कुनै अवरोध बजारमा उपलब्ध भएको सबै मेन स्ट्रिम गेम्सहरु रन हुन्छ ।
१२० हर्जकाे रिफ्रेस रेट
फाेनमा रियालिटी फ्लो १२० हर्जको रिफ्रेस रेटको साथ स्मार्ट डिस्प्ले रहेकाे छ । यो एप्लिकेसनको कन्टेन्टको फ्रेम रेट भ्यारियाबिलिटीलाई बुझ्न र पढ्न सक्ने इन्टिलिजेन्ट डिस्प्ले हो, जसले रिफ्रेस रेटलाई ५० हर्ज , ६० हर्ज ९० हर्जवा १२० हर्जमा आफैं एट्जस्ट गर्छ । जसले ब्याट्री बचाउँछ र आफ्नो स्मार्टफोनलाई पहिला भन्दा बढी पावर इफिसियन्ट बनाउन मद्दत गर्दछ ।
साथै फाेनमा २४० हर्जको टच स्याम्पलिङ्ग रेट रहेको छ । यो डिस्प्लेले पञ्ची भिभिड रंगहरु र एचडीआर १० को सर्पोटको साथ स्टनिङ्ग भिजुअल र कन्ट्रास्टको प्रस्तुत गर्दछ ।
४८ एमपी क्वाड क्यामेरा सेटअप
पोको एक्स ३ प्रोमा ४८ एमपी क्वाड क्यामेरा सेटअप रहेकाे छ, जसमा कम्प्युटर भिजन इमेज सिग्नल प्रोसेसर, एफ/१.७९ एपर्चरका साथ ४८ एमपीको प्राइमरी सेन्सर, एफ/२.२ एपर्चर र ११८ डिग्री एफओभीको साथ ८ एमपीको अल्ट्रा वाइड एंगल क्यामेरा, २ एमपीको म्याक्राे क्यामेरा र चित्रणको लागि डेप्थ सेन्सरहरु छन् ।
साथै फाेनमा २० एमपीको फ्रन्ट क्यामेरा छ । साथै फाेनले ३०/६० एफपीयसमा फाेरके भिडियो रेकर्डिङ्ग सपाेर्ट गर्दछ ।
५१६० एमएएचकाे ब्याट्री
पोको एक्स ३ प्रोमा ५१६० एमएएचकाे ब्याट्री रहेकाे छ । जुन यसको क्याटेगोरीमा सबैभन्दा ठूलो ब्याट्रीमध्यको एक हो । यो उपकरणमा इन–बक्स फास्ट ३३ डब्लु टाइप–सी चार्जर पनि रहेको छ र यसले २६ वाटको युएसबी पीडी चार्जलाई सपोर्ट गर्छ । जुन यसको खण्डको सबैभन्दा छिटो पीडी सर्पोट हो ।
मूल्य र उपलब्धता
पोको एक्स थ्री प्रो तीन वटा कलर उपलब्ध हुनेछः ग्राफाइट ब्ल्याक,स्टील ब्लु र गाेल्डेन ब्रन्ज । यो नेपाली रु. ३१,९९९ (६ जीबी+१२८ जीबी) र रु. ३६,९९९ (८ जीबी+२५६ जीबी) को मूल्यमा कम्पनीका अथोराइज्ड स्टोर, अनलाइन र रिटेल पार्टनरहरुमा भाेलि साेमबारदेखि उपलब्ध हुनेछ ।
पछिल्लो अध्यावधिक: असोज २, २०७९ २२:३४
