धुलिखेल अस्पतालको मोबाइल एप सार्वजनिक, अब अनलाइनबाटै डक्टरको अपोइन्टमेन्ट लिन सकिने
चैत ७, २०७९ १८:१८
काठमाडौं । काभ्रेस्थित धुलिखेल अस्पतालले आफ्नो मोबाइल एप सन्चालनमा ल्याएको छ ।
आइएमई ग्रुप अन्तर्गतको मिडास टेक्नोलोजिजसँगको सहकार्यमा सञ्चालनमा ल्याइएको यो एपमार्फत बिरामीहरूले सजिलै र सुविधाजनक ढंगले धुलिखेल अस्पतालमा ‘अनलाइन अपोइन्टमेन्ट’ बुकिङ गर्न र त्यहाँबाट प्रयोगशाला रिपोर्टहरू प्राप्त गर्नसक्ने बताइएको छ ।
यसले बिरामीहरूलाई अस्पतालसम्म आइपुग्न र लामो लाइनमा उभिने झन्झट हटाउँदै धेरै समय बचत गराउने विश्वास लिइएको छ ।
साथै यो एपमार्फत नेपाल सरकारको स्वास्थ्य बीमा बोर्डद्वारा प्रदान हुने स्वास्थ्य बीमाको सुविधा प्राप्त गर्न, निःशुल्क रुपमा अस्पताल टिकट बुक गर्ने र आफ्नो बीमा जानकारी प्राप्त गर्न समेत सकिने छ ।
पछिल्लो अध्यावधिक: चैत ७, २०७९ १९:४
