फेसबुकमा पुराना अप्रिय घटना नदेखिउन् भन्ने चाहनुहुन्छ ? यसो गर्नुहोस्

काठमाडाैं । फेसबुकमा दिनदिनै मेमोरीमा आफ्ना पुराना पुराना तस्वीरहरू आउने गरेको याद गर्नुभएको छ ? कतिले त आफैंले पुराना मेमोरीहरू हेर्ने पनि गर्छन् । तर कतिलाई भने यो मेमोरी भन्ने फिचर नभइदिए हुन्थ्यो भन्ने पनि लाग्नसक्छ ।

फेसबुकमा मात्र होइन, गुगल फोटोमा पनि हरेक दिन मेमोरीमा हाम्रा पुराना तस्वीरहरू आइरहेका हुन्छन्, जसमा हाम्रा यादगार पलहरु समेटिएका हुन्छन् ।

यस्ता संकलनहरू देखिँदा हामीलाई आफू अति सुन्दर जीवन बाँचिरहेका छौं भन्ने अनुभूति हुन्छ । तर कहिले काहिँ यसरी सञ्चित हुने मेमोरीमा अप्रिय घटना पनि समेटिन सक्छ, जसलाई तपाईं सम्झन चाहनुहुन्न ।

यस्तो अवस्थाका लागि गुगल फोटो र फेसबुकले मेमोरीहरूलाई व्यवस्थापन गर्न सकिने सुविधा पनि उपलब्ध गराएको छ । 

फेसबुकमा मेमोरी नियन्त्रण गर्ने तरिका 

फेसबुकले ‘अन दिस डे’ फिचर सुरु गरेको केही महिनामा नै व्यक्ति र मिति फिल्टर गर्न मिल्ने व्यवस्था ल्याएको थियो, जसलाई हाल हामी फेसबुक मेमोरी भनेर भन्छौं । आफ्नो टाइमलाइनमा मेमोरी व्यवस्थित गर्न तपाईंले मोबाइल एप र वेब पेज दुवैको प्रयोग गर्न सक्नुहुन्छ । 

वेबमा मेमोरी नियन्त्रण:

• वेब ब्राउजरमा फेसबुक खोलेर स्क्रिनको बायाँपट्टि भएको ‘Memories’ मा क्लिक गर्नुहोस् 
• स्क्रिनको बायाँ पट्टि नोटिफिकेसन सँगै ‘hide people’ र ‘hide date’ भन्ने अप्सन देखिन्छ । 

• नोटिफिकेसनमा गएर यस्तो मेमोरीको नोटिफिकेसन दिनमा एक चोटी मात्र पाउने कि मेमोरीको हाइलाइट मात्र पाउने अथवा कुनै पनि नोटीफिकेसन नपाउने अप्सनमा क्लिक गर्न सक्नुहुन्छ 
• त्यस्तै हाइड पिपुलमा गएर केही व्यक्तिहरूको मेमोरी र हाइड डेटमा गएर केही मितिको मेमोरी नदेखिन बनाउन सक्नुहुन्छ

मोबाइल एपमा मेमोरी नियन्त्रण:

• फेसबुक ओपन गर्नुहोस् ।
• यदि तपाईं एन्ड्रोइड प्रयोग गर्नुहुन्छ भने स्क्रिनको माथि दायाँतर्फ र आईओएस प्रयोग गर्नुहुन्छ भने स्क्रिनको तल दायाँतर्फ रहेको मेन्यु आइकनमा क्लिक गर्नुहोस् ।
• अब ‘मेमोरिज’ मा क्लिक गर्नुहोस । 
• स्क्रिनको दाँयापट्टि देखिएको सेटिङको आइकनमा जानुहोस् । 
• त्यहाँ वेबमा जस्तै नोटिफिकेसन बन्द गर्ने वा दिनमा एकपटक मात्र देखिने वा केही सीमित मेमोरीको मात्र नोटिफिकेसन देखिने अप्सनहरू हुन्छ । आफ्नो आवश्यकता अनुसार अप्सनमा क्लिक गर्नुहोस् । 
• त्यस्तै नोटिफिकेसनभन्दा तल ‘हाइड मेमोरिज’ अन्तर्गत ‘पिपुल’ र ‘डेट’ भन्ने अप्सनमा गएर मान्छे वा मिति अनुसार मेमोरी रोक्न सक्नुहुन्छ ।

पछिल्लो अध्यावधिक: असोज २, २०७९ २२:३३

टिप्पणीहरू