काठमाडौं । मेटाले फेसबुक म्यासेन्जरका प्रयोगकर्ताका लाग नयाँ ‘भ्यानिश मोड’ थप गरेकाे छ । यसअघि यो फिचर ह्वाट्सएप र इन्स्टाग्राममा आइसकेको छ ।
‘याे फिचरकाे सहयोगमा तपाईं यस्ता म्यासेज पठाउन सक्नुहुनेछ, जो स्वतः गायब हुनेछन् । जब तपाईं म्यासेज हेर्नुहुनेछ, लगत्तै च्याटबाट ती म्यासेज स्वतः गायब हुनेछन्,’ कम्पनीले भनेको छ ।
म्यासेञ्जरको भ्यानिश मोड प्रयोगकर्ताका लागि प्रयोग गर्न समेत निकै सहज छ । अपडेट पश्चात तपाईं आफ्नो म्यासेञ्जर च्याट थ्रेडलाई स्वाइप अप गरेर (औंलाले माथितर्फ धकेलेर) भ्यानिश मोडमा प्रवेश गर्न सक्नुहुनेछ ।
दोस्रो पटक स्वाइप अप गरेपछि पुनः म्यासेञ्जर नर्मल मोडमा फर्किनेछ । तर याे फिचर ग्रुप च्याटमा भने उपलब्ध छैन ।
तपाईंले यसबाट कुनै निश्चित व्यक्तिसँग भ्यानिश मोड प्रयोग गर्ने कि नगर्ने भन्ने कुर तय गर्न सक्नुहुनेछ । यदि भ्यानिश मोडमा कसैले स्क्रिनशट लिन्छ भने तपाईंलाई समेत त्यसको नोटिफिकेसन प्राप्त हुनेछ ।
एन्ड्रोइड र आईओएस दुवैमा उपलब्ध गराइएको यो सुविधासहित फेसबुक मेसेन्जरका च्याट इन्ड-टु-इन्ड इन्क्रिप्टेड हुने मेटाले जनाएकाे छ ।