आईफोन १४ किन्ने कि, आईफोन १५ कुर्ने ?
असोज १, २०७९ १५:२४
काठमाडौं । आईफोन १४ सिरिज सार्वजनिक भएको केही समय पनि नबित्दै बजारमा आईफोन १५ को चर्चा सुरु भएको छ ।
फोर्ब्सले हालै प्रकाशित गरेको एक लेखमा आईफोन १५ का सम्भावित विवरण उल्लेख गरिएको छ ।
आईफोन १४ सार्वजनिक भएको एक हप्तामात्रै भयो । यद्यपि कम्पनीले आईफोन १५ को लागि पहिलेदेखि नै काम गर्न सुरु गरिसकेको थियो ।
फोर्ब्समा उल्लेख भएअनुसार आईफोन १५ प्रो र १५ प्रो म्याक्समा ए१७ चिप प्रयोग हुनेछ ।
ए१५ र ए१६ को तुलनामा ए१७ निकै नै शक्तिशाली हुने अनुमान गरिएको छ । ए१७ एप्पलको पहिलो ३ नानोमिटरको प्रोसेसर हुनेछ ।
यसले मोबाइलको पर्फर्मेन्स र ब्याट्री क्षमतालाई उत्कृष्ट बनाउने बताइएको छ ।
यद्यपि यो सुविधा प्रो मोडलका प्रयोगकर्ताले पनि अनुभव गर्न पाउनेछन् ।
यसबीच आईफोन १५ लाई लिएर अन्य धेरै विवरण पनि बाहिरिएका छन् ।
केही बजार विश्लेषकले आईफोन १५ फोल्डेबल हुने पनि अनुमान गरेका छन् । योसँगै आईफोन १५ मा टेलिफोटो क्यामेरा पनि उपलब्ध हुने अनुमान गरिएको छ ।
पछिल्लो अध्यावधिक: असोज २, २०७९ २२:३४
