आज राति सानिमा बैंकको मोबाइल तथा इन्टरनेट बैंकिङ नचल्ने
फागुन १९, २०७९ १६:५९
काठमाडौं । सानिमा बैंकको डिजिटल भुक्तानी सेवा आज राति अवरुद्ध हुने भएको छ । बैंकको डेटा माइग्रेसन सम्बन्धी काम हुन गइरहेकाले सेवा प्रभावित हुने भएको हो ।
"सानिमा बैंकको डेटा माइग्रेसन (Data Center Migration) सम्बन्धी कार्य हुन गइरहेकोले यस बैंकको सम्पूर्ण बैंकिङ तथा विद्युतीय भुक्तानीका सेवाहरू (एटीएम, मोबाइल बैंकिङ, इन्टरनेट बैंकिङ, कार्ड, इ-कम, कनेक्ट आईपीएस आदि ) अवरुद्ध हुनेछन्," बैंकले एक सूचना जारी गर्दै लेखेको छ ।
डेटा माइग्रेसनका कारण शुक्रबार बेलुका ८ बजेदेखि शनिबार बिहान ८ बजेसम्म सम्पूर्ण बैंकिङ तथा डिजिटल भुक्तानी सेवा बन्द हुनेछ ।
पछिल्लो अध्यावधिक: फागुन १९, २०७९ १६:५९
