एनसेल बन्यो नेपाल सुपर लिग २०२५ को शीर्ष प्रायोजक
फागुन २३, २०८१ १६:२७
काठमाडौं । मोबाइल सेवाप्रदायक एनसेल नेपाल सुपर लिग (एनएसएल) २०२५ को शीर्ष प्रायोजक बनेको छ । शुक्रबार ललितपुरमा आयोजित एक कार्यक्रममा आयोजक नेपाल स्पोर्ट्स एन्ड इभेन्ट्स म्यानेजमेन्टले एनसेललाई शीर्ष प्रायोजकका रूपमा घोषणा गरेको हो ।
एनएसएल नेपालकै पहिलो फ्रेन्चाइजमा आधारित व्यावसायिक फुटबल लिग हो । तेस्रो संस्करण आगामी २९ मार्चदेखि सुरु हुँदैछ ।
यस संस्करणमा बुटवल लुम्बिनी एफसी, धनगढी एफसी, एफसी चितवन, झापा एफसी, काठमाडौं रेजर्स एफसी, ललितपुर सिटी एफसी र पोखरा थन्डर्स एफसी प्रतिस्पर्धा गर्नेछन् ।
पछिल्लो अध्यावधिक: फागुन २३, २०८१ १६:२७
